Airteagal 24 Oibleagáid a bhaineann le pacáistíocht iomarcach

1.   Faoin 1 Eanáir 2030 nó faoi cheann 3 bliana ó theacht i bhfeidhm na ngníomhartha cur chun feidhme arna nglacadh de bhun mhír 2, cibé acu is déanaí, áiritheoidh na hoibreoirí eacnamaíocha a líonann pacáistíocht ghrúpáilte, pacáistíocht iompair, nó pacáistíocht ríomhthráchtála, gurb é an cóimheas spáis fholaimh uasta, arna shloinneadh mar chéatadán, 50 %.

2.   Faoin 12 Feabhra 2028, glacfaidh an Coimisiún gníomhartha cur chun feidhme chun an mhodheolaíocht a bhunú chun an cóimheas spáis fholaimh dá dtagraítear i mír 1 a ríomh. Cuirfear san áireamh sa mhodheolaíocht sin saintréithe speisialta na pacáistíochta nach mór í a chur i spás folamh atá mór go leor chun na ceanglais dlí is infheidhme a chomhlíonadh nó chun an táirge a chosaint, amhail, go háirithe, maidir le táirgí pacáistithe de chruth neamhrialta, pacáistíocht ina bhfuil níos mó ná pacáistíocht díolacháin amháin nó táirge díolacháin amháin, pacáistíocht ina bhfuil táirgí leachtacha, táirgí pacáistithe ar éasca damáiste a dhéanamh dá bhfuil iontu agus táirgí pacáistithe ar féidir le táirgí níos mó ná iad damáiste a dhéanamh dóibh mar gheall ar a dtoisí beaga, agus an t-íos-spás ar an bpacáistíocht iompair chun go bhféadfaí na lipéid lastais a ghreamú di.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 65(2).

3.   Chun críoch ríomh an chóimheasa dá dtagraítear i mír 1:

Measfar gur spás folamh é spás a líonfar le hábhair líonta amhail gearrthóga páipéir, aerchúisíní, cumhdaigh bholgóideacha, líonaigh spúinse, líonaigh chúir, olann adhmaid, polaistiréin nó clocha Styrofoam.

4.   Faoin 12 Feabhra 2028, áiritheoidh an t-oibreoirí eacnamaíocha a líonann an phacáistíocht díolacháin go laghdófar an spás folamh go dtí an t-íosmhéid is gá chun feidhmiúlacht na pacáistíochta a áirithiú, lena n-áirítear cosaint táirgí. Ciallóidh an cóimheas spáis folamh le haghaidh pacáistíocht díolacháin an difríocht idir toirt inmheánach iomlán na pacáistíochta díolacháin agus toirt an táirge pacáistithe

Chun measúnú a dhéanamh ar chomhlíonadh na míre seo, measfar gur spás folamh le ábhair líonta é, amhail gearrthóga páipéir, aerchúisíní, cumhdaigh bholgóideacha, líonaigh spúinse, líonaigh chúir, olann adhmaid, polaistiréin nó clocha Styrofoam.

Maidir le pacáistíocht díolacháin le haghaidh táirgí a laghdaíonn a dtoirt le linn iompair nó i gcás ina bhfuil idirspás de dhíth chun an táirge bia a chosaint, nó táirgí eile a bhfuil na saintréithe sin ag baint leo:

5.   Oibreoirí eacnamaíocha a úsáideann pacáistíocht díolacháin mar phacáistíocht ríomhthráchtála nó a úsáideann pacáistíocht in-athúsáidte laistigh de chóras athúsáide, beidh siad díolmhaithe ón oibleagáid a leagtar síos i mír 1 den Airteagal seo. Mar sin féin, áiritheoidh siad go mbeidh an phacáistíocht díolacháin sin i gcomhréir leis na ceanglais a leagtar amach in Airteagal 10.

6.   Faoin 12 Feabhra 2032, déanfaidh an Coimisiún athbhreithniú ar an gcóimheas spáis fholaimh dá dtagraítear i mír 1 agus ar na díolúintí i mír 5, agus déanfaidh sé measúnú ar an bhféidearthacht cóimheasa spáis fholaimh a bhunú le haghaidh pacáistíocht díolacháin, go háirithe i gcás bréagán, cosmaidí, fearais déan féin é agus táirgí leictreonacha.