Artikolu 24 Obbligu relatat mal-imballaġġ eċċessiv

1.   Sal-1 ta' Jannar 2030, jew 3 snin mid-dħul fis-seħħ tal-atti ta' implimentazzjoni adottati skont paragrafu 2, skont liema tiġi l-aħħar, l-operaturi ekonomiċi li jimlew l-imballaġġ kollettiv l-imballaġġ għat-trasport jew l-imballaġġ tal-kummerċ elettroniku għandhom jiżguraw li l-proporzjon massimu ta' spazju vojt, espress bħala perċentwal, ikun ta' 50 %.

2.   Sat-12 ta’ Frar 2028, il-Kummissjoni għandha tadotta atti ta' implimentazzjoni biex tistabbilixxi l-metodoloġija għall-kalkolu tal-proporzjon ta' spazju vojt imsemmi fil-paragrafu 1. Dik il-metodoloġija għandha tqis il-karatteristiċi speċjali tal-imballaġġ li jeħtieġ li jitqiegħed fi spazju vojt li huwa kbir biżżejjed biex jikkonforma mar-rekwiżiti legali applikabbli jew biex jipproteġi l-prodott, bħal, b'mod partikolari, prodotti fl-imballaġġ ta' forma irregolari, imballaġġ li jkun fih aktar minn imballaġġ għall-bejgħ jew prodott wieħed, imballaġġ li jkun fih prodotti likwidi, prodotti fl-imballaġġ li l-kontenut tagħhom jista' faċilment tiġrilu ħsara u prodotti fl-imballaġġ li tista' ssirilhom ħsara minn prodotti akbar minħabba d-dimensjonijiet żgħar tagħhom, u l-ispazju minimu fuq l-imballaġġ għat-trasport biex jippermetti t-twaħħil tat-tikketti tal-vjeġġi.

Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 65(2).

3.   Għall-fini tal-kalkolu tal-proporzjon imsemmi fil-paragrafu 1:

Spazju mimli b'materjali tal-mili, bħal biċċiet tal-karti mqatta', kuxxini tal-arja, folji tal-bżieżaq għat-tgeżwir, fillers sponża, fillers tal-fowm, ċana għall-mili, polistiren jew laqx tal-istyrofoam, għandu jitqies bħala spazju vojt.

4.   Sat-12 ta’ Frar 2028, l-operaturi ekonomiċi li jimlew l-imballaġġ għall-bejgħ għandhom jiżguraw li l-ispazju vojt jitnaqqas għall-minimu meħtieġ biex tiġi żgurata l-funzjonalità tal-imballaġġ, inkluż il-protezzjoni tal-prodott. Il-proporzjon ta' spazju vojt għall-imballaġġ għall-bejgħ għandu jfisser id-differenza bejn il-volum intern totali tal-imballaġġ għall-bejgħ u l-volum tal-prodott fl-imballaġġ.

Għall-fini tal-valutazzjoni tal-konformità ma' dan il-paragrafu, l-ispazju mimli b'materjali tal-mili, bħal pereżempju biċċiet tal-karti mqatta', kuxxini tal-arja, folji tal-bżieżaq għat-tgeżwir, fillers sponża, fillers tal-fowm, ċana għall-mili, polistiren jew laqx tal-iStyrofoam, għandu jitqies bħala spazju vojt.

Għall-imballaġġ għall-bejgħ għal prodotti li huma soġġetti li jinżlu fil-qiegħ matul it-trasport jew fejn ikun meħtieġ spazju vojt fuqani biex jiġi protett il-prodott tal-ikel, jew prodotti oħra li jippreżentaw dawn il-karatteristiċi:

5.   L-operaturi ekonomiċi li jużaw l-imballaġġ għall-bejgħ bħala imballaġġ tal-kummerċ elettroniku jew li jużaw imballaġġ riutilizzabbli f'sistema għall-użu mill-ġdid għandhom ikunu eżentati mill-obbligu stabbilit fil-paragrafu 1 ta' dan l-Artikolu. Madankollu, huma għandhom jiżguraw li tali imballaġġ għall-bejgħ jikkonforma mar-rekwiżiti stipulati fl-Artikolu 10.

6.   Sat-12 ta’ Frar 2032, il-Kummissjoni għandha tirrieżamina l-proporzjon ta' spazju vojt imsemmi fil-paragrafu 1 kif ukoll l-eżenzjonijiet fil-paragrafu 5, u tivvaluta l-possibbiltà li tistabbilixxi proporzjonijiet ta' spazju vojt għall-imballaġġ għall-bejgħ, b'mod partikolari għall-ġugarelli, il-kożmetiċi, il-kits do-it-yourself u l-prodotti elettroniċi.