Airteagal 54 Toirmeasc ar úsáid thánaisteach

Go háirithe, toirmiscfear rochtain a iarraidh ar shonraí leictreonacha sláinte agus iad a phróiseáil, ar sonraí iad a gheofar trí chead sonraí arna eisiúint de bhun Airteagal 68 nó iarraidh ar shonraí sláinte arna formheas de bhun Airteagal 69 le haghaidh na n-úsáidí seo a leanas:

cinntí a dhéanamh a dhéanfadh dochar do dhuine nádúrtha nó do ghrúpa daoine nádúrtha bunaithe ar a sonraí leictreonacha sláinte; chun cáiliú mar ‘cinntí’ chun críocha an phointe seo, ní mór dóibh éifeachtaí dlíthiúla, sóisialta nó eacnamaíocha a bheith acu nó difear suntasach a dhéanamh, ar an gcuma chéanna, do na daoine nádúrtha sin;

cinntí a dhéanamh maidir le duine nádúrtha nó le grúpa daoine nádúrtha i ndáil le tairiscintí poist, téarmaí is lú fabhar a thairiscint i soláthar earraí nó seirbhísí, lena n-áirítear daoine nó grúpaí den sórt sin a eisiamh ó shochar conartha árachais nó creidmheasa, modhnú a dhéanamh ar a ranníocaíochtaí agus a bpréimheanna árachais nó a gcoinníollacha iasachtaí, nó aon chinntí eile a dhéanamh maidir le duine nádúrtha nó le grúpa daoine nádúrtha a fhágann go ndéantar leatrom orthu ar bhonn na sonraí sláinte arna bhfáil;

gníomhaíochtaí fógraíochta nó margaíochta a dhéanamh;

táirgí nó seirbhísí a fhorbairt a d’fhéadfadh díobháil a dhéanamh do dhaoine aonair, don tsláinte phoiblí nó don tsochaí i gcoitinne, amhail drugaí aindleathacha, deochanna alcólacha, táirgí tobac agus nicitín, armra nó táirgí nó seirbhísí atá deartha nó modhnaithe ar bhealach a fhágann go gcruthaítear andúil nó go sáraítear ord poiblí nó go gcruthaítear riosca do shláinte an duine leo;

gníomhaíochtaí a dhéanamh atá ar neamhréir le forálacha eiticiúla a leagtar síos sa dlí náisiúnta.