Artikolu 54 Użu sekondarju pprojbit

B’mod partikolari, it-talba għal aċċess għal data elettronika dwar is-saħħa u l-ipproċessar ta’ data elettronika dwar is-saħħa miksuba permezz ta’ permess tad-data maħruġ skont l-Artikolu 68 tagħha jew talba għal data dwar is-saħħa approvata skont l-Artikolu 69 għall-użi li ġejjin għandhom ikunu pprojbiti:

it-teħid ta’ deċiżjonijiet ta’ detriment għal persuna fiżika jew grupp ta’ persuni fiżiċiabbażi tad-data elettronika dwar is-saħħa tagħhom; sabiex jikkwalifikaw bħala “deċiżjonijiet” għall-finijiet ta’ dan il-punt, iridu jipproduċu effetti legali, soċjali jew ekonomiċi jew jaffettwaw b’mod simili lil dawk il-persuni fiżiċi;

it-teħid ta’ deċiżjonijiet fir-rigward ta’ persuna fiżika jew ta’ grupp ta’ persuni fiżiċi fir-rigward ta’ offerti tal-impjieg, li joffru termini inqas favorevoli fil-forniment ta’ oġġetti jew servizzi, inkluż l-esklużjoni ta’ tali persuni jew gruppi mill-benefiċċju ta’ kuntratt tal-assigurazzjoni jew kreditu, il-modifika tal-kontribuzzjonijiet u l-primjums tal-assigurazzjoni tagħhom jew kundizzjonijiet ta’ self, jew kwalunkwe teħid ta’ deċiżjonijiet ieħor, fir-rigward ta’ persuna fiżika jew ta’ gruppta’ persuni fiżiċi li jirriżulta f’diskriminazzjoni kontrihom abbażi tad-data dwar is-saħħa miksuba;

it-twettiq ta’ attivitajiet ta’ reklamar jew ta’ kummerċjalizzazzjoni;

l-iżvilupp ta’ prodotti jew servizzi li jistgħu jagħmlu ħsara lill-individwi, lis-saħħa pubblika jew lis-soċjetajiet b’mod ġenerali, bħal drogi illeċiti, xorb alkoħoliku, prodotti tat-tabakk u tan-nikotina, jew oġġetti jew servizzi li jkunu mfassla jew immodifikati b’tali mod li joħolqu vizzju, jiksru l-ordni pubbliku jew joħolqu riskju għas-saħħa tal-bniedem.

it-twettiq ta’ attivitajiet f’kunflitt mad-dispożizzjonijiet etiċi stabbiliti fil-liġi nazzjonali;