Airteagal 91 Iarratais ar rochtain ar shonraí sláinte agus iarrataí ar shonraí sláinte ó thríú tíortha

1.   Gan dochar d’Airteagail 67, 68 agus 69, beidh iarratais ar rochtain ar shonraí sláinte agus iarrataí ar shonraí sláinte arna gcur isteach ag úsáideoir sonraí sláinte atá bunaithe i dtríú tír incháilithe le haghaidh breithniú ag comhlachtaí rochtana sonraí sláinte agus seirbhís rochtana sonraí sláinte an Aontais sna cásanna seo a leanas:

2.   Trí bhíthin gníomhartha cur chun feidhme, féadfaidh an Coimisiún a chinneadh go gcomhlíonann tríú tír an ceanglas a leagtar amach i mír 1, pointe (b), den Airteagal seo. Glacfar na gníomhartha cur chun feidhme sin i gcomhréir leis an nós imeachta scrúdúcháin dá dtagraítear in Airteagal 98(2). Déanfaidh an Coimisiún an liosta de na gníomhartha cur chun feidhme a glacadh de bhun na míre seo a chur ar fáil go poiblí.

3.   Déanfaidh an Coimisiún faireachán ar fhorbairtí i dtríú tíortha agus in eagraíochtaí idirnáisiúnta a d’fhéadfadh difear a dhéanamh do chur i bhfeidhm na ngníomhartha cur chun feidhme arna nglacadh de bhun mhír 2 den Airteagal seo, agus déanfaidh sé foráil maidir le hathbhreithniú tréimhsiúil ar chur i bhfeidhm an Airteagail seo.

I gcás ina measann an Coimisiún nach gcomhlíonann tríú tír an ceanglas a leagtar síos i mír 1, pointe (b), den Airteagal seo, a thuilleadh, glacfaidh sé gníomh cur chun feidhme lena n-aisghairtear an gníomh cur chun feidhme dá dtagraítear i mír 2 den Airteagal seo a bhaineann leis an tríú tír sin a bhaineann tairbhe as rochtain. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 98(2).