Airteagal 17 Faisnéis agus cúnamh maidir le comhlíonadh

1.   Faoin 17 Nollaig 2026, forbróidh an Coimisiún ábhar múscailte feasachta agus oiliúna maidir le cur chun feidhme iomchuí na n-oibleagáidí a leagtar síos sa Rialachán seo agus cuirfidh sé ar fáil don phobal é, lena n-áirítear tríd an idirlíon, ar shuíomh gréasáin a bheidh éasca a aimsiú, saor in aisce agus gan an rochtain a shrianadh d’úsáideoirí cláraithe amháin, i gcomhairle le hionadaithe oibreoirí eacnamaíocha, iompróirí agus deimhnitheoirí, lena n-áirítear micrifhiontair agus fiontair bheaga agus mheánmhéide, agus eagraíochtaí ábhartha comhshaoil neamhrialtasacha agus i gcomhar leis na húdaráis inniúla. I gcás inarb iomchuí, rachaidh an Coimisiún i gcomhairle freisin le hionadaithe ionadaithe údaraithe, seoltóirí, agus oibreoirí, gníomhairí agus máistrí soithí farraige.

2.   Áiritheoidh na Ballstáit go bhfaighidh oibreoirí eacnamaíocha, iompróirí de chuid an Aontais agus iompróirí nach iompróirí de chuid an Aontais iad, ionadaithe údaraithe, seoltóirí, agus oibreoirí, gníomhairí agus máistrí soithí farraige rochtain ar fhaisnéis maidir le comhlíonadh an Rialacháin seo agus go bhfaighidh siad, go háirithe micrifhiontair agus fiontair bheaga, cúnamh ina leith sin.

Gan dochar do na rialacha is infheidhme maidir le Státchabhair, féadfaidh an cúnamh dá dtagraítear sa chéad fhomhír, go háirithe, a bheith sna foirmeacha seo a leanas:

3.   Molfaidh na Ballstáit forbairt clár oiliúna ar mhaithe le pearsanra na ndeimhnitheoirí a cháiliú.