10. Glacfaidh an Coimisiún gníomh cur chun feidhme lena gcinnfear na buncheanglais theicniúla a bhaineann leis an bpas táirge digiteach le haghaidh glantach agus le haghaidh dromchlaghníomhaithe úsáideora deiridh. Ní bheidh dáta chur i bhfeidhm an ghnímh cur chun feidhme sin níos luaithe ná 18 mí ón uair a thiocfaidh sé i bhfeidhm, ach amháin i gcásanna a bhfuil údar cuí leo a bhaineann leis an ngníomh cur chun feidhme ina iomláine nó le forálacha áirithe de, nó i gcás ina ndéantar an gníomh cur chun feidhme a aisghairm nó a leasú go páirteach ar ina leith a fhéadfar dáta cur i bhfeidhm níos luaithe a shocrú. Beidh an méid seo a leanas ar a laghad sna riachtanais theicniúla sin:
|
(a)
|
iompróir sonraí amháin nó níos mó a bheidh le húsáid;
|
|
(b)
|
an leagan amach ina mbeidh an t-iompróir sonraí le cur i láthair agus a shuíomh;
|
|
(c)
|
eilimintí teicniúla an phas táirge dhigitigh a n-úsáidfear caighdeáin shainithe Eorpacha nó idirnáisiúnta ina leith;
|
|
(d)
|
na gníomhaithe a mbeidh rochtain acu ar na sonraí sa phas táirge digiteach agus cé na sonraí ar a mbeidh rochtain acu;
|
|
(e)
|
na gníomhaithe a bheidh le pas táirge digiteach a chruthú nó na sonraí i bpas táirge digiteach a nuashonrú agus cé na sonraí a fhéadfaidh siad a thabhairt isteach nó a nuashonrú; agus
|
|
(f)
|
na socruithe mionsonraithe maidir le sonraí dá dtagraítear i bpointe (e) a thabhairt isteach nó a thabhairt cothrom le dáta.
|
Déanfar an gníomh cur chun feidhme dá dtagraítear sa chéad fhomhír den mhír seo a ghlacadh i gcomhréir leis an nós imeachta scrúdúcháin dá dtagraítear in Airteagal 32(2).