Airteagal 21 Pas táirge digiteach

(a)

comhfhreagróidh sé do mhúnla sonrach den ghlantach nó den dromchlaghníomhaí úsáideora deiridh;

(b)

luafar ann gur léiríodh go bhfuil an Rialachán seo á chomhlíonadh ag an nglantach nó ag an dromchlaghníomhaí úsáideora deiridh;

(c)

beidh na sonraí a leagtar amach i gCuid A d’Iarscríbhinn VI ann;

(d)

beidh sé cruinn, iomlán agus cothrom le dáta;

(e)

beidh sé ar fáil sa teanga nó sna teangacha a éilíonn an Ballstát ina ndéantar an glantach nó an dromchlaghníomhaí úsáideora deiridh a chur ar fáil ar an margadh;

(f)

beidh sé inrochtana do thomhaltóirí nó d’úsáideoirí deiridh eile, d’údaráis faireachais margaidh, d’údaráis chustaim, don Choimisiún agus d’oibreoirí eacnamaíocha eile i gcomhréir leis na cearta rochtana a leagtar síos de bhun mhír 10, pointe (d);

(g)

beidh sé ar fáil go ceann tréimhse 10 mbliana ón dáta a chuirfear an glantach nó an dromchlaghníomhaí úsáideora deiridh ar an margadh, cásanna de dhócmhainneacht, leachtú nó scor de ghníomhaíocht san Aontas de chuid an oibreora eacnamaíoch a chruthaigh an pas táirge digiteach san áireamh;

(h)

beidh sé nasctha, trí iompróir sonraí, le haitheantóir táirge uathúil leanúnach; agus

(i)

comhlíonfaidh sé na ceanglais shonracha agus theicniúla a leagtar síos de bhun mhír 10.

(a)

beidh sé priontáilte nó léirithe go fisiciúil ar bhealach eile ar lipéad nó ar phacáistíocht an ghlantaigh nó an dromchlaghníomhaí úsáideora deiridh, nó ar na doiciméid a ghabhann leis an nglantach nó leis an dromchlaghníomhaí úsáideora deiridh má iompraítear ar an mórchóir iad, i gcomhréir leis an ngníomh cur chun feidhme ón gCoimisiún dá dtagraítear i mír 10;

(b)

beidh sé doscriosta;

(c)

beidh sé suite ar bhealach lena phróiseáil go huathoibríoch le gléasanna digiteacha;

(d)

beidh sé i láthair ar an stáisiún athlíonta, i gcás glantach agus dromchlaghníomhaithe úsáideora deiridh a chuirtear ar fáil ar an margadh trí athlíonadh;

(e)

beidh an ráiteas ‘Scanadh le haghaidh faisnéis níos cuimsithí faoin táirge’ nó ráiteas comhchosúil ag gabháil leis; agus

(f)

beidh sé le feiceáil go soiléir ag an tomhaltóir nó ag na húsáideoirí deiridh eile roimh aon cheannachán agus ag údaráis faireachais margaidh, lena n-áirítear, i gcás inarb infheidhme, i gcásanna ina gcuirtear an glantach nó an dromchlaghníomhaí úsáideora deiridh ar fáil ar an margadh trí chiandíolacháin.

(a)

iompróir sonraí amháin nó níos mó a bheidh le húsáid;

(b)

an leagan amach ina mbeidh an t-iompróir sonraí le cur i láthair agus a shuíomh;

(c)

eilimintí teicniúla an phas táirge dhigitigh a n-úsáidfear caighdeáin shainithe Eorpacha nó idirnáisiúnta ina leith;

(d)

na gníomhaithe a mbeidh rochtain acu ar na sonraí sa phas táirge digiteach agus cé na sonraí ar a mbeidh rochtain acu;

(e)

na gníomhaithe a bheidh le pas táirge digiteach a chruthú nó na sonraí i bpas táirge digiteach a nuashonrú agus cé na sonraí a fhéadfaidh siad a thabhairt isteach nó a nuashonrú; agus

(f)

na socruithe mionsonraithe maidir le sonraí dá dtagraítear i bpointe (e) a thabhairt isteach nó a thabhairt cothrom le dáta.

(a)

cóip dhigiteach den iompróir sonraí nó den aitheantóir táirge uathúil a sholáthar do dháileoirí agus do sholáthraithe margaí ar líne, de réir mar is ábhartha, ionas go mbeidh siad in ann an t-iompróir sonraí nó an t-aitheantóir táirge uathúil a dhéanamh inrochtana do chustaiméirí ionchasacha nach féidir leo rochtain a fháil ar an táirge go fisiceach;

(b)

an chóip dhigiteach dá dtagraítear i bpointe (a) nó nasc leathanaigh gréasáin a sholáthar saor in aisce go pras agus in aon chás laistigh de 5 lá oibre tar éis iarraidh a fháil é sin a dhéanamh; agus

(c)

cóip chúltaca den phas táirge digiteach a chur ar fáil trí sholáthraí seirbhíse pas táirge dhigitigh.