IARSCRÍBHINN Liosta na n-ionstraimí lena ngabhann priacail iarmharacha dá dtagraítear in Airteagal 2

1.

céadroghanna ina bhfuil na dea-thorthaí ag brath ar na céimeanna a leanann praghas na sócmhainne foluití seachas a bheith ag brath ar a praghas deiridh ar an dáta feidhmithe agus air sin amháin;

2.

céadroghanna a thosaíonn ar dháta réamhshainithe sa todhchaí agus nach bhfuil a bpraghas ceangail cinntithe go fóill tráth a bhfuil an céadrogha i leabhar trádála na hinstitiúide;

3.

céadroghanna ar céadrogha eile í a n-ionstraim fholuiteach;

4.

céadroghanna lena mbaineann dea-thorthaí neamhleanúnacha;

5.

céadroghanna lena gceadaítear don sealbhóir praghas ceangail nó téarmaí eile an chonartha a mhodhnú roimh aibíocht na gcéadroghanna;

6.

céadroghanna is féidir a fheidhmiú ar shraith fhinideach dátaí réamhshocraithe;

7.

céadroghanna a bhfuil a n-ionstraim fholuiteach ainmnithe in airgeadra amháin ach a ndéantar a ndea-thorthaí a shocrú in airgeadra eile, le ráta malairte réamhshocraithe idir an dá airgeadra;

8.

céadroghanna il-fholuiteacha, cé is moite díobh siúd dá dtagraítear in Airteagal 3, pointí (c) agus (d);

9.

céadroghanna atá faoi réir priacal iompraíochta, i gcás ina gcomhlíontar gach ceann de na coinníollacha seo a leanas, agus sa chás sin amháin: