Airteagal 30 Tríú tíortha a bhfuil laigí maidir le comhlíonadh orthu ina gcórais náisiúnta AML/CFT a shainaithint

1.   Déanfaidh an Coimisiún tríú tíortha a bhfuil laigí maidir le comhlíonadh orthu ina gcórais náisiúnta AML/CFT a shainaithint.

2.   Chun na tríú tíortha dá dtagraítear i mír 1 a shainaithint, tugtar an chumhacht don Choimisiún gníomhartha tarmligthe a ghlacadh i gcomhréir le hAirteagal 85 chun an Rialachán seo a fhorlíonadh, i gcás:

Glacfar na gníomhartha tarmligthe sin laistigh de 20 lá féilire ó dheimhníonn an Coimisiún go bhfuil na critéir i bpointe (a) nó (b) den chéad fhomhír comhlíonta.

3.   Cuirfidh an Coimisiún san áireamh, le linn dó na gníomhartha tarmligthe dá dtagraítear i mír 2 a tharraingt suas, mar bhunlíne dá mheasúnú, faisnéis faoi dhlínsí a bhfuil níos mó faireacháin á dhéanamh orthu ag eagraíochtaí idirnáisiúnta agus ag socraitheoirí caighdeán a bhfuil inniúlacht acu sa réimse maidir le cosc a chur ar sciúradh airgid agus maoiniú sceimhlitheoireachta, chomh maith le meastóireachtaí, measúnuithe, tuarascálacha nó ráitis phoiblí ábhartha atá tarraingthe suas acu.

4.   Sainaithneofar sa ghníomh tarmligthe dá dtagraítear i mír 2 na bearta feabhsaithe díchill chuí sonracha orthu sin a liostaítear in Airteagal 34(4), a chuirfidh eintitis faoi oibleagáid i bhfeidhm maidir le rioscaí a bhaineann le gaolmhaireachtaí gnó nó idirbhearta ócáideacha a bhaineann le daoine nádúrtha nó daoine dlítheanacha ón tríú tír sin.

5.   Déanfaidh an Coimisiún athbhreithniú ar na gníomhartha tarmligthe dá dtagraítear i mír 2 ar bhonn rialta lena áirithiú go gcuirfear na hathruithe sa chreat AML/CFT den tríú tír san áireamh sna bearta feabhsaithe díchill chuí a shainaithneofar de bhun mhír 4 agus go mbeidh siad i gcomhréir leis na rioscaí agus leordhóthanach maidir leo.