Airteagal 71 Staonadh ó idirbhearta a dhéanamh

1.   Staonfaidh eintitis faoi oibleagáid ó idirbhearta a dhéanamh a bhfuil a fhios acu nó a bhfuil amhras orthu ina leith go bhfuil baint acu le fáltais ó ghníomhaíocht choiriúil nó le maoiniú sceimhlitheoireachta go dtí go mbeidh tuarascáil curtha isteach acu i gcomhréir le hAirteagal 69(1), an chéad fhomhír, pointe (a), agus go mbeidh aon treoracha sonracha breise ón FIU nó ó údarás inniúil eile comhlíonta acu i gcomhréir leis an dlí is infheidhme. Féadfaidh eintitis faoi oibleagáid an t-idirbheart lena mbaineann a dhéanamh tar éis measúnú a dhéanamh ar na rioscaí a bhaineann le dul ar aghaidh leis an idirbheart mura mbeidh treoracha dá mhalairt faighte acu ón FIU laistigh de 3 lá oibre ón tuarascáil a chur isteach.

2.   I gcás nach bhfuil sé indéanta d’eintiteas faoi oibleagáid staonadh ó na idirbheart dá dtagraítear i mír 1 a dhéanamh nó i gcás inar dócha go gcuirfeadh staonadh bac ar iarrachtaí chun dul sa tóir ar thairbhithe idirbhirt amhrasta, cuirfidh an t-eintiteas faoi oibleagáid an FIU ar an eolas díreach tar éis an t-idirbheart a dhéanamh.