Airteagal 6 Foinsí faisnéise chun measúnú criticiúlachta a chumasú

1.   Úsáidfidh na ÚMEnna na sonraí arna soláthar sna cláir faisnéise dá dtagraítear in Airteagal 28(3) de Rialachán (AE) 2022/2554, chun measúnú a dhéanamh ar na fo-chritéir a liostaítear in Airteagail 2 go 5. Féadfaidh na ÚMEnna úsáid a bhaint freisin as sonraí breise atá ar fáil dóibh ó gach foinse faisnéise chun an measúnú criticiúlachta a dhéanamh.

2.   Cuirfidh na ÚMEnna san áireamh na sonraí is déanaí a bheidh ar fáil dóibh le linn na bliana measúnaithe, nó i gcás inarb infheidhme, na sonraí a cuireadh ar fáil dóibh faoin 31 Nollaig den bhliain roimh an measúnú criticiúlachta ar a dhéanaí.