Artikolu 6 Sorsi ta’ informazzjoni li jippermettu l-valutazzjoni tal-kritikalità

1.   L-ASE għandhom jużaw id-data pprovduta mir-reġistri ta’ informazzjoni msemmija fl-Artikolu 28(3) tar-Regolament (UE) 2022/2554, għall-valutazzjoni tas-subkriterji elenkati fl-Artikoli 2 sa 5. L-ASE jistgħu jużaw ukoll data disponibbli addizzjonali li jkollhom għad-dispożizzjoni tagħhom mis-sorsi kollha ta’ informazzjoni biex iwettqu l-valutazzjoni tal-kritikalità.

2.   L-ASE għandhom iqisu l-aktar data reċenti disponibbli għalihom matul is-sena ta’ valutazzjoni, jew meta applikabbli, id-data li tkun saret disponibbli għalihom sa mhux aktar tard mill-31 ta’ Diċembru tas-sena ta’ qabel il-valutazzjoni tal-kritikalità.