Airteagal 4
Athrú ar an mballraíocht san fhoireann scrúdúcháin chomhpháirteach
Ar bhonn tréimhsiúil, nó i gcás ina n-athrófar an Príomh-Fhormhaoirseoir, nó i gcás ina dtarlóidh athruithe ábhartha mar a shonraítear in Airteagal 2(2), déanfaidh an Príomh-Fhormhaoirseoir measúnú ar thorthaí na mball den fhoireann scrúdúcháin chomhpháirteach, tar éis dó dul i gcomhairle le baill den fhoireann scrúdúcháin chomhpháirteach. Bainfidh na húdaráis ainmniúcháin agus an Príomh-Fhormhaoirseoir araon úsáid as torthaí an mheasúnaithe sin chun cinneadh a dhéanamh an iomchuí athrú a dhéanamh ar bhallraíocht den fhoireann scrúdúcháin chomhpháirtí.