Airteagal 8 Sainiúlachtaí le haghaidh TLPTanna comhthiomsaithe nó TLPTanna comhpháirteacha

1.   Mura gcinnfidh an príomhúdarás TLPT a mhalairt, i gcás ina mbeidh roinnt eintiteas airgeadais, arna sainaithint i gcomhréir le hAirteagal 16(2) nó (4), páirteach in TLPT comhthiomsaithe nó comhpháirteach, leanfaidh gach eintiteas airgeadais gach ceann de na céimeanna a leagtar amach in Airteagail 9 go 15.

2.   Mura bhforáiltear a mhalairt sa Rialachán seo, i gcás ina bhfuil baint ag roinnt údarás TLPT le TLPT comhpháirteach nó le TLPT comhthiomsaithe, dá dtagraítear in Airteagal 16(3) nó 16(5), tuigfear tagairtí in Airteagail 9 go 15 do ‘údarás TLPT’ mar thagairt don phríomhúdarás TLPT le haghaidh an TLPT comhthiomsaithe nó comhpháirteach sin.