Artikolu 8 Speċifiċitajiet għal TLPTs aggregati jew konġunti

1.   Sakemm ma jiġix deċiż mod ieħor mill-awtorità ewlenija tat-TLPT, meta diversi entitajiet finanzjarji, identifikati f’konformità mal-Artikolu 16(2) jew (4), ikunu involuti f’TLPT aggregat jew konġunt, kull entità finanzjarja għandha ssegwi kull wieħed mill-passi stabbiliti fl-Artikoli minn 9 sa 15.

2.   Sakemm ma jkunx previst mod ieħor f’dan ir-Regolament, meta diversi awtoritajiet tat-TLPT ikunu involuti f’TLPT konġunt jew f’TLPT aggregat, kif imsemmi fl-Artikolu 16(3) jew 16(5), ir-referenzi fl-Artikoli minn 9 sa 15 għall-“awtorità tat-TLPT” għandhom jinftiehmu bħala referenza għall-awtorità ewlenija tat-TLPT għal tali TLPT aggregat jew konġunt.