Airteagal 113 1.

Chun na méideanna neamhchosanta a ualaítear ó thaobh riosca a ríomh, cuirfear ualuithe riosca i bhfeidhm maidir le gach neamhchosaint, seachas i gcás ina n-asbhaintear na neamhchosaintí sin de chistí dílse nó ina bhfuil siad faoi réir na láimhseála a leagtar amach in Airteagal 72e(5), an chéad fhomhír, i gcomhréir le forálacha Roinn 2 den Rialachán seo. Beidh cur i bhfeidhm na n-ualuithe riosca bunaithe ar an aicme neamhchosanta a bhfuil an neamhchosaint sannta di agus, a mhéid a shonraítear i Roinn 2, ar a cáilíocht chreidmheasa. Féadfar cáilíocht chreidmheasa a chinneadh trí thagairt a dhéanamh do mheasúnuithe creidmheasa IMCSanna nó measúnuithe creidmheasa na ngníomhaireachtaí creidmheasa onnmhairiúcháin i gcomhréir le Roinn 3. Cé is moite de na neamhchosaintí a shanntar do na haicmí neamhchosanta a leagtar amach in Airteagal 112, pointí (a), (b), (c) agus (e), den Rialachán seo, i gcás ina léirítear leis an measúnú i gcomhréir le hAirteagal 79, pointe (b), de Threoir 2013/36/AE saintréithe riosca níos airde ná iad sin a thugtar le fios leis an gcéim cáilíochta creidmheasa dá sannfaí an neamhchosaint bunaithe ar an measúnú creidmheasa is infheidhme de chuid IMCS ainmnithe nó na gníomhaireachta creidmheasa onnmhairiúcháin, sannfaidh an institiúid ualú riosca a bheidh céim cáilíochta creidmheasa amháin ar a laghad níos airde ná an t-ualú riosca is intuigthe leis an measúnú creidmheasa a dhéanfaidh IMCS ainmnithe nó an ghníomhaireacht creidmheasa onnmhairiúcháin.