2. Sonraí tagarmharcála a chur faoi bhráid na n-údarás inniúil

Chun a chumasú d’údaráis inniúla sonraí luacha saothair a bhailiú agus a chur faoi bhráid an ÚBE i gcomhréir leis na treoirlínte seo, ba cheart d’institiúidí dá dtagraítear i bhforoinn 1.1, faoin 15 Meitheamh de gach bliain féilire, an fhaisnéis seo a leanas a chur faoi bhráid na n-údarás inniúil:

• a. an fhaisnéis a shonraítear i dtáblaí REM1, REM2, REM3, REM4 agus REM5 de Rialachán Cur Chun Feidhme (AE) 2021/637 ón gCoimisiún;³
• b. faisnéis faoi luach saothair na foirne go léir mar atá leagtha amach in Iarscríbhinn I;
• c. faisnéis bhreise faoi luach saothair na foirne sainaitheanta mar atá leagtha amach in Iarscríbhinn II;
• d. faisnéis faoi na maoluithe atá leagtha amach in Airteagal 94 de Threoir 2013/36/AE, mar atá leagtha amach in Iarscríbhinn III iad.

³ Áireofar an fhaisnéis a theastaíonn sa mhúnla pointe sonraí a úsáidtear laistigh d’uirlis ÚBE do bhailiú sonraí.

Chun a chumasú d’údaráis inniúla sonraí na bearna pá idir na hinscní a bhailiú agus a chur faoi bhráid an ÚBE i gcomhréir leis na Treoirlínte seo, ba cheart d’institiúidí dá dtagraítear i bhforoinn 1.2, faoin 15 Meitheamh gach trí bliana, ag tosú ó 2024 i leith na bliana airgeadais 2023, an fhaisnéis atá leagtha amach in Iarscríbhinn IV a chur faoi bhráid údaráis inniúla ar bhonn aonair.

Chun a chumasú d’údaráis inniúla sonraí faoi chóimheasa níos airde a bhailiú agus a chur faoi bhráid an ÚBE i gcomhréir leis na Treoirlínte seo, ba cheart d’institiúidí dá dtagraítear i bhforoinn EBA Public

1.3, faoin 15 Meitheamh gach dhá bhliain, ag tosú ó 2023 i leith na bliana airgeadais 2022, an fhaisnéis atá leagtha amach in Iarscríbhinn V a chur faoi bhráid údaráis inniúla ar bhonn aonair.

Chun a chumasú d’údaráis inniúla sonraí maidir le cóimheasa formheasta níos airde a bhailiú, a chomhiomlánú agus a chur faoi bhráid an ÚBE i gcomhréir leis na Treoirlínte seo faoin 31 Lúnasa, ba cheart don Bhanc Ceannais Eorpach, gach dhá bhliain, ag tosú ó 2023 don bhliain airgeadais 2022, an fhaisnéis a fuair sé i gcomhréir leis an mír roimhe seo ó institiúidí faoina shainchúram maoirseachta a sholáthar go tráthúil d’údaráis inniúla náisiúnta.