4.4 Faisnéis atá le soláthar

Chun críche an mheasúnaithe ar an díolúine, ba cheart d’údaráis inniúla an fhaisnéis ábhartha uile a úsáid, amhail, i gcás ina bhfuil sí ar fáil: (i) tuairisciú rialála, (ii) cuntasaíocht agus tuairisciú airgeadais, (iii) cuntais inmheánacha an ghnólachta infheistíochta, (iv) conclúidí ILAAP agus ICAAP, (v) pleananna foirceanta an ghnólachta infheistíochta.

Ba cheart d’údaráis inniúla aon fhaisnéis bhreise nó aon fhianaise bhreise a iarraidh chun a áirithiú nach bhfuil an gnólacht infheistíochta atá ag lorg na díolúine neamhchosanta ar riosca leachtachta.

I gcás ina dtarlaíonn athrú ábhartha ar an bhfaisnéis a cuireadh isteach leis an iarratas ar dhíolúine, ba cheart do ghnólacht infheistíochta an fhaisnéis leasaithe a chur isteach arís gan mhoill.