4.5 An díolúine a leasú agus a tharraingt siar

Níor cheart d’údaráis inniúla díolúine a dheonú do ghnólacht infheistíochta má mheasann siad nach gcomhlíonann gnólacht infheistíochta na critéir le haghaidh díolúine tráth na hiarrata nó gur dócha nach gcomhlíonfaidh sé na critéir ina dhiaidh sin.

Ba cheart do na húdaráis inniúla a áirithiú go gcuirfidh an gnólacht infheistíochta an t-údarás inniúil ar an eolas má tá athruithe tagtha ar imthosca ghníomhaíochtaí an ghnólachta infheistíochta a bhaineann le comhlíonadh na gcritéar díolúine.

Ba cheart d’údaráis inniúla an díolúine a tharraingt siar má mheasann siad nach bhfuil na critéir maidir leis an díolúine a leagtar amach sna treoirlínte seo á gcomhlíonadh a thuilleadh ag an ngnólacht infheistíochta nó má mheasann an t-údarás inniúil, ag céim ar bith, gur gá don ghnólacht infheistíochta a bhfuil díolúine faighte aige cheana féin na ceanglais leachtachta a chomhlíonadh de bharr riachtanais leachtachta a d’fhéadfadh a bheith ann amach anseo. Ba cheart d’údaráis inniúla an gnólacht infheistíochta a chur ar an eolas láithreach faoin gcinneadh an díolúine a tharraingt siar.

6 EBA Public

Ba cheart d’údaráis inniúla a áirithiú go gcomhlíonann an gnólacht infheistíochta na ceanglais leachtachta a leagtar amach in Airteagal 43(1) 90 lá ar a dhéanaí tar éis an dáta a dtugtar fógra faoi chinneadh an údaráis inniúil an díolúine a chúlghairm.

7