Fráma ama

Nuair a bheidh measúnú á dhéanamh ar an gcreat ama a bhfuiltear ag súil leis le haghaidh na rogha téarnaimh dá dtagraítear in Airteagal 12(2)(c) de Rialachán Tarmligthe (AE) 2016/1075 ón gCoimisiún, chun críocha ‘cumas téarnaimh cás-sonrach’ a ríomh, ba cheart d’institiúidí aird a thabhairt ar ghnéithe sonracha na roghanna téarnaimh agus ar an gcineál teagmhais a áirítear sa chás (e.g. ar fud an chórais, neamhghnách, comhcheangailte).

Ba cheart d’institiúidí éifeachtaí chur chun feidhme a roghanna téarnaimh a ríomh maidir le tionchar ar a suíomh caipitil (lena náirítear giaráil) thar thréimhse ama 18 mí agus maidir le tionchar ar an suíomh leachtachta thar thréimhse ama 6 mhí, ón túsphointe a chinntear i gcomhréir le mír 22.

Maidir le roghanna téarnaimh a bhfuil creat ama níos faide acu ná na cinn a leagtar amach i mír 24, níor cheart ach an tionchar a breathnaíodh laistigh de na creataí ama sainaitheanta a leagtar amach sa mhír sin a chur san áireamh i ríomh na ‘gcumas téarnaimh cás-sonrach’.