Ceanglais tuairiscithe

Laistigh de dhá mhí ó dháta foilsithe na dtreoirlínte seo ar shuíomh gréasáin ÚBE agus ESMA i dteangacha oifigiúla uile an AE, de réir Airteagal 16(3) de Rialachán (AE) Uimh. 1093/2010 agus de Rialachán (AE) 1095/2010, ní mór d’údaráis inniúla fógra a thabhairt do ÚBE nó do ESMA maidir le cé acu (i) an gcomhlíonann siad na treoirlínte, (ii) nach gcomhlíonann siad na treoirlínte, ach go bhfuil sé beartaithe acu iad a chomhlíonadh, nó (iii) nach gcomhlíonann siad na treoirlínte sin agus nach bhfuil sé beartaithe acu iad a chomhlíonadh. I gcás neamhchomhlíonta, ní mór d’údaráis inniúla fógra a thabhairt freisin do ESMA nó do ÚBE laistigh de dhá mhí ó dháta foilsithe na dtreoirlínte seo ar shuíomhanna gréasáin ESMA agus ÚBE i dteangacha oifigiúla uile an AE maidir leis na cúiseanna atá acu gan na treoirlínte seo a chomhlíonadh. Ba cheart go mbeadh fógraí curtha isteach thar ceann a n-údarás inniúil ag daoine a bhfuil an t-údarás cuí acu chun comhlíonadh a thuairisciú. Ní mór aon athrú ar an stádas comhlíontachta a thuairisciú freisin do ÚBE nó do ESMA.

Ní cheanglaítear ar rannpháirtithe sa mhargadh airgeadais ná ar institiúidí airgeadais a thuairisciú cé acu an gcomhlíonann siad na treoirlínte seo nó nach gcomhlíonann.

Foilseofar fógraí ar shuíomh gréasáin ÚBE, i gcomhréir le hAirteagal 16(3) de Rialachán (AE) Uimh. 1093/2010 agus ar shuíomh gréasáin ESMA, i gcomhréir le hAirteagal 16(3) de Rialachán (AE) Uimh. 1095/2010.