Maoiniú áirithithe ar bhealach coibhéiseach

Chun críocha Airteagal 126a(2), pointe (a), de CRR, ba cheart a mheas go n-áirithítear an maoiniú ar bhealach atá coibhéiseach le taiscí in airgead tirim atá faoi réir forghéillte i gcás ina gcomhlíontar na coinníollacha seo a leanas go léir:

• a. gur íoc an ceannaitheoir nó an tionónta tráthchodanna, nó gur aistrigh siad airgead tirim chuig cuntas leithscartha;
• b. go bhfuil na tráthchodanna nó an t-airgead leithscartha dá dtagraítear i bpointe (a) faoi réir forghéillte má fhoirceanntar an conradh réamhdhíola nó réamhléasa;
• c. go bhfuil méideanna na dtráthchodanna nó méideanna an airgid leithscartha dá dtagraítear i bpointe (a) substaintiúil i gcomhréir leis na cóimheasa dá dtagraítear i míreanna 10 agus 11 de na Treoirlínte seo, le haghaidh conarthaí réamhdhíola agus conarthaí réamhléasa, faoi seach.