4.2. Critéir chun gníomhaíochtaí a chinneadh a mheasfar a bheith ina síneadh díreach ar bhaincéireacht faoi Airteagal 4(1)(18)(a) de Rialachán (AE) Uimh. 575/2013

Ba cheart gníomhaíochtaí atá bunúsach do shlabhra luacha na gcroísheirbhísí baincéireachta dá dtagraítear i bpointe 1, i bpointe 2 agus i bpointe 6 d’Iarscríbhinn I a ghabhann le Treoir 2013/36/AE a mheas mar shíneadh díreach ar bhaincéireacht. Ba cheart go n - áireofaí orthu sin na roghanna seo a leanas:

• a. bróicéireacht iasachtaí nó taiscí tráchtála nó cónaithe;
• b. seirbhísiú iasachta, lena n - áirítear i gcás ina ndéanann seirbhíseoirí creidmheasa é de réir bhrí Airteagal 3(8) de Threoir (AE) 2021/2167;
• c. measúnú creidmheasa ar chliaint aonair institiúide nó institiúide airgeadais;
• d. aisghabháil fi ach;
• e. luacháil comhthaobhachta;
• f. sócmhainní athshealbhaithe a fháil, a úinéireacht, a bhainistiú agus a leachtú; agus
• g. idirghabháil agus dáileadh iasachtaí trí bhealaí nuálacha amhail seirbhísí sluachistiúcháin, ardáin idir piaraí, nó iasachtú margaidh, i gcás ina gcuireann na gníomhaíochtaí sin le hiasachtú.

Níor cheart na gníomhaíochtaí a liostaítear i bpointe (a) go pointe (f) a mheas mar shíneadh díreach ar bhaincéireacht ach amháin nuair a chuirtear ar fáil d’institiúidí nó d’institiúidí airgeadais iad nó nuair a dhéantar iad chun leasa na n - institiúidí nó na n - institiúidí airgeadais den chuid is mó.