Airteagal 30 Beartais luacha saothair

déantar an beartas luacha saothair a dhoiciméadú go soiléir agus tá sé comhréireach le méid, eagar inmheánach agus cineál, raon feidhme agus castacht ghníomhaíochtaí an ghnólachta infheistíochta;

tá an beartas luach saothair inscne-neodrach;

tá an beartas luacha saothair comhsheasmhach le bainistiú riosca fónta éifeachtach agus chuireann sé sin chun cinn;

tá an beartas luacha saothair ag teacht le straitéis ghnó agus le cuspóirí an ghnólachta infheistíochta, agus cuirtear san áireamh ann freisin éifeachtaí fadtéarmacha na gcinntí infheistíochta a glacadh;

tá bearta sa bheartas luacha saothair chun coinbhleachtaí leasa a sheachaint, spreagtar sé iompraíocht ghnó fhreagrach agus cuireann sé glacadh riosca stuama chun cinn;

glacann comhlacht bainistíochta an ghnólachta infheistíochta, ina cháil maoirseoireachta, an beartas luacha saothair agus athbhreithníonn sé é go tréimhsiúil agus is air atá sé de chúram maoirsiú a dhéanamh ar a chur chun feidhme;

tá cur chun feidhme an bheartais luacha saothair faoi réir athbhreithniú lárnach neamhspleách de réir feidhmeanna rialúcháin, ar bhonn bliantúil ar a laghad;

tá na baill foirne atá i mbun feidhmeanna rialúcháin neamhspleách ar na haonaid ghnó ar a ndéanann siad maoirsiú, tá údarás iomchuí acu, agus tugtar luach saothair dóibh i gcomhréir le gnóthú na gcuspóirí a bhaineann lena bhfeidhmeanna, gan beann ar fheidhmíocht na réimsí gnó a rialaíonn siad;

déanann an coiste luacha saothair dá dtagraítear in Airteagal 33 nó, murar bunaíodh coiste den chineál sin, an comhlacht bainistíochta i gcáil maoirseora, maoirseacht dhíreach ar luach saothair oifigeach sinsearach atá i mbun fheidhmeanna an bhainistithe riosca agus an chomhlíonta;

tá idirdhealú soiléir déanta sa bheartas luacha saothair, agus rialacha náisiúnta maidir le socrú tuarastail á gcur san áireamh, idir na critéir a úsáidtear chun an méid seo a leanas a chinneadh:

tá an chomhpháirt sheasta ina cuid leordhóthanach den luach saothair iomlán chun gur féidir beartas lán-solúbtha a chur i bhfeidhm maidir leis na comhpháirteanna luacha saothair inathraithe, lena n‐airítear an deis a bheith ann gan aon comhpháirt luacha saothair inathraithe a íoc.