35. Chun foireann a leithdháileadh ar réimsí gnó agus catagóirí foirne, ba cheart do ghnólachtaí …

Chun foireann a leithdháileadh ar réimsí gnó agus catagóirí foirne, ba cheart do ghnólachtaí infheistíochta a n-eagrú inmheánach agus na nithe seo a leanas a bhreithniú:

• a. Ba cheart go gcuimseodh ‘feidhm mhaoirseachta an chomhlachta bainistíochta (MB)’ baill an chomhlachta bainistíochta ag an leibhéal comhdhlúthaithe is airde a ghníomhaíonn i ról maoirsithe agus agus monatóireachta ar chinnteoireacht bhainistíochta. Ba cheart do ghnólachtaí infheistíochta comhaltaí de chomhlachtaí bainistíochta na bhfochuideachtaí in Iarscríbhinn II a leithdháileadh ar an gcatagóir ‘foireann shainaitheanta eile’ agus in Iarscríbhinn I agus in Iarscríbhinn III ar na réimsí gnó faoi seach.
• b. Ba cheart go gcuimseofaí le ‘feidhm bhainistíochta an chomhlachta bainistíochta’ comhaltaí an chomhlachta bainistíochta ar an leibhéal comhdhlúthaithe is airde atá freagrach as a fheidhmeanna bainistíochta (i.e. stiúrthóirí feidhmiúcháin). Ba cheart do ghnólachtaí infheistíochta comhaltaí de chomhlachtaí bainistíochta na bhfochuideachtaí in Iarscríbhinn II a leithdháileadh ar an gcatagóir ‘ardbhainistíocht eile’ agus in Iarscríbhinn I agus in Iarscríbhinn III ar na réimsí gnó faoi seach.
• c. Is éard atá in ‘ardbhainistíocht eile’ an fhoireann a shainmhínítear i bpointe (27) d’Airteagal 3(1) de Threoir (AE) 2019/2034 seachas comhaltaí an chomhlachta bainistíochta ar an leibhéal comhdhlúite is airde.
• d. Ba cheart baill foirne nach ‘ardbhainistíocht eile’ nó ball den chomhlacht bainistíochta iad a thuairisciú faoi ‘foireann shainaitheanta eile’. EBA Public
• e. Ba cheart go n-áireofaí le ‘Déileáil ar a c(h)untas féin, frithghealladh agus láithriú ionstraimí’ na seirbhísí agus na gníomhaíochtaí faoi phointí (3), (6) agus (7) d’Iarscríbhinn I, Roinn A de Threoir 2014/65/AE.⁴
• f. Ba cheart go n-áireofaí le ‘Comhairle infheistíochta agus forghníomhú orduithe’ na seirbhísí agus na gníomhaíochtaí faoi phointí (1), (2) agus (5) d’Iarscríbhinn I, Roinn A de Threoir 2014/65/AE.
• g. Ba cheart go n-áireofaí le ‘bainistiú punainne’ na seirbhísí agus na gníomhaíochtaí faoi phointe (4) d’Iarscríbhinn I, Roinn A de Threoir 2014/65/AE agus an fhoireann a bhainistíonn sócmhainní i bhfochuideachtaí atá ina nGnóthais le haghaidh Comhinfheistíochta in Urrúis Inaistrithe (GCUI) nó ina nBainisteoirí Cistí Infheistíochta Malartacha (AIFManna) atá faoi réir Airteagal 30 agus Airteagal 32 de Threoir (AE) 2019/2034 a chur i bhfeidhm ar bhonn comhdhlúite.
• h. Ba cheart go n-áireofaí le ‘oibríocht MTF/OTF’ na seirbhísí agus na gníomhaíochtaí faoi phointe (8) agus (9) d’Iarscríbhinn I, Roinn A de Threoir 2014/65/AE.
• i. Níor cheart go n-áireofaí le ‘feidhmeanna rialaithe neamhspleácha’ ach baill foirne atá gníomhach sna feidhmeanna neamhspleácha um bainistíocht riosca, comhlíontacht agus iniúchadh inmheánach mar a thuairiscítear i dTreoirlínte an ÚBE ar rialachas inmheánach.⁵
• j. Ba cheart go mbeadh baill foirne nach bhfuil san áireamh i bpointí (a) go (i) san áireamh i ‘gach ball foirne eile’.

⁴ Treoir 2014/65/AE ó Pharlaimint na hEorpa agus ón gComhairle an 15 Bealtaine 2014 maidir le margaí in ionstraimí airgeadais agus lena leasaítear Treoir 2002/92/CE agus Treoir 2011/61/AE.

⁵ Treoirlínte an ÚBE maidir le rialachas inmheánach faoi Threoir (AE) 2019/2024, Roinn 15

1. Forbhreathnú

1.1 Tagairtí

• Airteagal 3 1.
• Airteagal 30 Beartais luacha saothair
• Airteagal 32 Luach saothair inathraithe

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

3. Caighdeáin ghaolmhara

• EBA - Published by the European Banking Authority at https://www.eba.europa.eu/