+Airteagal 61 Forálacha ginearálta
---+Airteagal 61 1
---+Airteagal 61 2
---+Airteagal 61 3

Airteagal 61 Forálacha ginearálta

1. Forbhreathnú

,
Airteagal 61 1

1.   Áiritheoidh na Ballstáit go mbeidh sásraí éifeachtacha ag lucht déanta beartas, FIUnna, maoirseoirí, lena n-áirítear AMLA, agus údaráis inniúla eile, chomh maith le húdaráis chánach, chun a chur ar a gcumas dóibh dul i gcomhar le chéile agus comhordú ar bhonn intíre a dhéanamh maidir le forbairt agus cur chun feidhme beartas agus gníomhaíochtaí chun sciúradh airgid agus maoiniú na sceimhlitheoireachta a chomhrac agus chun cosc a chur ar smachtbhannaí airgeadais spriocdhírithe gan a bheith á gcur chun feidhme nó a bheith á seachaint, lena n-airítear d’fhonn a n-oibleagáidí faoi Airteagal 8 a chomhlíonadh.
Airteagal 61 2

2.   Maidir le faisnéis maidir le húinéireacht thairbhiúil arna fáil ag údaráis inniúla de bhun Chaibidil IV de Rialachán (AE) 2024/1624 agus Roinn 1 de Chaibidil II den Treoir seo, áiritheoidh na Ballstáit go mbeidh údaráis inniúla in ann an fhaisnéis sin a sholáthar do na húdaráis inniúla chontrapháirteacha de chuid Ballstát eile nó tríú tíortha ar bhealach tráthúil agus saor in aisce.
Airteagal 61 3

3.   Ní chuirfidh na Ballstáit toirmeasc ná coinníollacha a bheadh sriantach ar bhealach míchuí ar mhalartú faisnéise nó cúnaimh idir údaráis inniúla agus a gcontrapháirtithe chun críocha na Treorach seo. Áiritheoidh na Ballstáit nach ndiúltóidh údaráis inniúla iarraidh ar chúnamh ar na forais seo a leanas:

(a)

go meastar cúrsaí cánach a bheith ag baint leis an iarraidh freisin;

(b)

go gceanglaítear leis an dlí náisiúnta ar eintitis faoi oibleagáid rúndacht a choimeád, ach amháin sna cásanna sin ina bhfuil an fhaisnéis ábhartha atá á lorg faoi chosaint pribhléid dhlíthiúil nó i gcás ina bhfuil feidhm ag rúndacht ghairmiúil dhlíthiúil, dá bhforáiltear in Airteagal 70(2) de Rialachán (AE) 2024/1624;

(c)

go bhfuil fiosrúchán, imscrúdú, imeacht nó anailís de chuid FIU ar bun i mBallstát faighte na hiarrata, ach amháin i gcás ina gcuirfeadh an cúnamh bac ar an bhfiosrúchán, ar an imscrúdú, ar an imeacht nó ar an anailísiú sin de chuid FIU;

(d)

go bhfuil cineál nó stádas an údaráis inniúil chontrapháirtigh iarrthaigh éagsúil le cineál nó stádas údarás inniúil faighte na hiarrata.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin