+Airteagal 31 6

Airteagal 31 6

6.   I gcás nach mbeidh an measúnú dá dtagraítear i mír 5 curtha i gcrích ag an údarás maoirseachta ó dháta an aistrithe, áiritheoidh na Ballstáit go mbeidh feidhm ag an méid seo a leanas:

(a)

beidh éifeacht dhlíthiúil láithreach ag an aistriú sin de scaireanna nó ionstraimí úinéireachta eile chuig an bhfaighteoir;

(b)

le linn na tréimhse measúnaithe agus le linn aon tréimhse dífheistithe dá bhforáiltear i bpointe (f), cuirfear cearta vótála an fhaighteora, a ghabhann le scaireanna nó ionstraimí úinéireachta eile mar sin, ar fionraí agus déanfar iad a dhílsiú san údarás réitigh amháin, agus ní bheidh aon oibleagáid ar an údarás sin aon chearta vótála mar sin a fheidhmiú agus ní bheidh sé faoi aon dliteanas i ndáil leis na cearta vótála sin a fheidhmiú nó gan iad a fheidhmiú;

(c)

le linn na tréimhse measúnaithe agus le linn aon tréimhse dífheistithe dá bhforáiltear i bpointe (f), ní bheidh feidhm ag na pionóis ná na bearta eile maidir le sárú na gceanglas a bhaineann le sealúchais cháilitheacha a fháil nó a dhiúscairt mar a leagtar síos in Airteagal 62 de Threoir 2009/138/CE i ndáil leis an aistriú sin de scaireanna nó ionstraimí úinéireachta eile;

(d)

nuair a bheidh measúnú an údaráis meastóireachta i gcrích, tabharfaidh an t-údarás maoirseachta fógra i scríbhinn don údarás réitigh agus don fhaighteoir go pras, faoi cé acu a fhormheasann sé an t-aistriú sin de scaireanna nó ionstraimí úinéireachta eile chuig an bhfaighteoir nó, i gcomhréir le hAirteagal 58(4) de Threoir 2009/138/CE, a chuireann sé ina aghaidh;

(e)

i gcás ina ndéanann an t-údarás maoirseachta an t-aistriú sin de scaireanna nó ionstraimí úinéireachta eile chuig an bhfaighteoir a fhormheas, measfar go mbeidh na cearta vótála a ghabhann leis na scaireanna nó na hionstraimí úinéireachta eile sin dílsithe go hiomlán san fhaighteoir a luaithe a gheobhaidh an t-údarás réitigh agus an faighteoir fógra formheasa den sórt sin ón údarás maoirseachta;

(f)

i gcás ina gcuireann an t-údarás maoirseachta in aghaidh an aistrithe sin de scaireanna nó ionstraimí úinéireachta eile chuig an bhfaighteoir:

(i)

fanfaidh na cearta vótála a ghabhann leis na scaireanna nó na hionstraimí úinéireachta eile sin faoi mar a fhoráiltear i bpointe (b) i lánfheidhm agus i lán-éifeacht;

(ii)

féadfaidh an t-údarás réitigh a cheangal ar an bhfaighteoir na scaireanna nó na hionstraimí úinéireachta eile sin a dhífheistiú laistigh de thréimhse dífheistithe arna cinneadh ag an údarás réitigh tar éis dó dálaí an mhargaidh san am a chur san áireamh;

(iii)

i gcás nach gcomhlíonann an faighteoir an iarraidh dá bhforáiltear i bpointe (ii), féadfaidh an t-údarás maoirseachta pionóis a fhorchur, le toiliú ón údarás réitigh, ar an bhfaighteoir, mar aon le bearta eile maidir le sárú na gceanglas a bhaineann le sealúchais cháilitheacha a fháil nó a dhiúscairt mar a leagtar síos in Airteagal 62 de Threoir 2009/138/CE.

1. Forbhreathnú

,

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin