+IARSCRÍBHINN VI

IARSCRÍBHINN VI

IARSCRÍBHINN VI

LEIBHÉIL CHÚLRA I gCÁS SUAITHEADH NÁDÚRTHA A RÍOMH

1. 

Maidir le ríomh an leibhéil chúlra, soláthrófar an fhaisnéis seo a leanas:

(a) 

leibhéil stairiúla astaíochtaí mar thoradh ar shuaitheadh nádúrtha;

(b) 

cineál nó cineálacha an tsuaite nádúrtha a áirítear sa mheastachán;

▼M2

(c) 

meastacháin iomlána bhliantúla ar astaíochtaí maidir leis na cineálacha sin de shuaitheadh nádúrtha le haghaidh na tréimhse ó 2001 go 2020, arna liostú de réir catagóirí cuntasaíochta talún sa tréimhse ó 2021 go 2025 agus de réir catagóirí tuairiscithe talún sa tréimhse ó 2026 go 2030;

▼B

(d) 

léiriú ar chomhsheasmhacht amshraitheanna sna paraiméadair uile ábhartha, lena n-áirítear íosachar, modheolaíochtaí chun astaíochtaí a mheas, cumhdach na linnte carbóin agus gás.

2. 

Déantar an leibhéal cúlra a ríomh mar mheán na hamshraithe 2001-2020 ach gan na blianta ar fad ar ina leith a rinneadh leibhéil mhínormálta astaíochtaí a thaifeadadh a áireamh, i.e. gan na hasluitigh uile staidrimh a áireamh. Déanfar na hasluitigh staidrimh a shainaithint mar a leanas:

(a) 

déantar an luach meánach uimhríochta agus diall caighdeánach na hamshraithe iomláine 2001-2020 a ríomh;

(b) 

ní dhéantar na blianta uile a bhfuil na hastaíochtaí bliantúla ina leith lasmuigh de dhá oiread dhiall caighdeánach an mheáin a áireamh san amshraith;

(c) 

déantar ríomh arís ar an luach meánach uimhríochta agus ar dhiall caighdeánach na hamshraithe iomláine 2001-2020, lúide na blianta nár áiríodh i bpointe (b);

(d) 

déan pointí (b) agus (c) arís go dtí nach féidir aon asluitigh a shainaithint.

▼M2

3. 

Tar éis an leibhéal cúlra a ríomh de bhun phointe 2 den Iarscríbhinn seo, má sháraíonn na hastaíochtaí i mbliain ar leith le linn na dtréimhsí ó 2021 go 2025 le haghaidh catagóirí cuntasaíochta talún talamh foraoisithe agus talamh foraoise bainistithe mar a leagtar amach in Airteagal 2(1) an leibhéal cúlra móide corrlach, féadfar méid na n-astaíochtaí a sháraíonn an leibhéal cúlra a eisiamh i gcomhréir le hAirteagal 10. Beidh an corrlach cothrom le leibhéal dóchúlachta 95 %.

4. 

Ní dhéanfar na hastaíochtaí seo a leanas a eisiamh faoi chur i bhfeidhm Airteagal 10:

(a) 

astaíochtaí a bhíonn ann mar thoradh ar ghníomhaíochtaí saothraithe foraoise agus ar ghníomhaíochtaí lománaíochta tarrthála a rinneadh ar na tailte sin tar éis do shuaití nádúrtha tarlú;

(b) 

astaíochtaí a bhíonn ann mar thoradh ar loscadh forordaithe a rinneadh ar na tailte sin in aon bhliain den tréimhse ó 2021 go 2025;

(c) 

astaíochtaí ar thailte ar tharla dífhoraoisiú iontu tar éis do shuaití nádúrtha tarlú.

▼B

5. 

I measc na gceanglas faisnéise de bhun Airteagal 10(2), áirítear iad seo a leanas:

▼M2 —————

▼M2

(b) 

fianaise nach ndearnadh aon dhífhoraoisiú le linn an chuid eile den tréimhse ó 2021 go 2025 ar thailte a ndearna suaití nádúrtha difear dóibh agus nár áiríodh sa chuntasaíocht;

(c) 

tuairisc ar na modhanna infhíoraithe agus ar na critéir a mbainfear úsáid astu chun dífhoraoisiú ar na tailte sin a shainaithint sna blianta i ndiaidh na tréimhse ó 2021 go 2025.

▼M2 —————

▼M2

6. 

Áirítear an méid seo a leanas i gceanglas faisnéise de bhun Airteagal 10(2) agus Airteagail 13 agus 13b:

(a) 

sainaithint a dhéanamh ar na limistéir uile talún a ndearnadh suaití nádúrtha sa bhliain áirithe sin difear dóibh, lena n-áirítear suíomh geografach na limistéar sin, an tréimhse inar tharla na suaití nádúrtha agus an cineál suaite a bhí ann;

(b) 

i gcás inar féidir sin a dhéanamh, tuairisc ar na bearta a rinne an Ballstát chun tionchar na suaití nádúrtha sin a chosc nó a theorannú;

(c) 

i gcás inar féidir sin a dhéanamh, tuairisc ar na bearta a rinne an Ballstát chun na tailte a ndearna na suaití nádúrtha sin difear dóibh a athshlánú.

▼B

1. Forbhreathnú

,

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin