CAIBIDIL 3 Dramhaíl a mheascadh, doiciméadacht agus rochtain ar fhaisnéis

Airteagal 19

Ón uair a thosaíonn an loingsiú go dtí go bhfaighfí saoráid aisghabhála nó diúscartha an dramhaíl, ní mheascfar an dramhaíl, mar a shonraítear san fhógra nó dá dtagraítear in Airteagal 18, le dramhaíl eile nó le substaintí nó réada eile.

Airteagal 21

Foilseoidh an Coimisiún an fhaisnéis faoi fhógraí maidir le loingsithe agus faoi loingsithe atá faoi réir na gceanglas ginearálta faisnéise dá dtagraítear in Iarscríbhinn XII trína shuíomh gréasáin agus tabharfaidh sé cothrom le dáta é ar bhonn míosúil. Chun na críche sin, bainfidh an Coimisiún na sonraí ábhartha ón lárchóras dá dtagraítear in Airteagal 27.