Roinn 2 Comhar forfheidhmiúcháin

Airteagal 64

Déanfaidh na Ballstáit, a mhéid a bhaineann le gach údarás ábhartha a bhfuil baint acu le forfheidhmiú an Rialacháin seo, sásraí éifeachtacha a choinneáil ar bun nó a bhunú ina gcríoch, lena n-áirítear údaráis inniúla agus údaráis a bhfuil baint acu le cigireachtaí, chun a chur ar a gcumas dóibh comhoibriú i gcomhar le chéile agus comhordú a dhéanamh ar bhonn intíre a mhéid a bhaineann le forbairt agus cur chun feidhme beartas agus gníomhaíochtaí forfheidhmiúcháin chun aghaidh a thabhairt ar loingsithe neamhdhleathacha dramhaíola, lena n-áirítear chun na pleananna cigireachta a bhunú agus a chur chun feidhme.