3. Chun críocha mhír 1, pointe (b), cuirfidh na Ballstáit i bhfeidhm tairseach uasta in aghaidh an chustaiméara agus in aghaidh an idirbhirt aonair, bíodh sé in oibríocht amháin nó trí idirbhearta nasctha a chuirtear i gcrích é. Bunófar an tairseach uasta sin ar an leibhéal náisiúnta, ag brath ar chineál na gníomhaíochta airgeadais. Beidh sí íseal go leor chun a áirithiú gur modh neamhphraiticiúil neamhéifeachtach le haghaidh sciúradh airgid nó maoiniú sceimhlitheoireachta na cineálacha idirbheart atá i gceist, agus nach mbeidh sí níos mó ná EUR 1 000 nó a choibhéis san airgeadra náisiúnta, gan beann ar na modhanna íocaíochta.