+Artikolu 10 Kontropartijiet mhux finanzjarji
---+Artikolu 10 1.
---+Artikolu 10 2.
---+Artikolu 10 2a.
---+Artikolu 10 3.
---+Artikolu 10 4.
---+Artikolu 10 4a.
---+Artikolu 10 4b.
---+Artikolu 10 5.
|
Artikolu 10 Kontropartijiet mhux finanzjarji
1. Ħarsa ġenerali
| Titlu |
Regolamentazzjoni |
|
Artikolu 10 1.
|
Kull 12-il xahar, kontroparti mhux finanzjarja li tieħu pożizzjonijiet f'kuntratti tad-derivattivi OTC tista' tikkalkula l-pożizzjoni aggregata medja tagħha fi tmiem ix-xahar għat-12-il xahar preċedenti skont il-paragrafu 3. Fejn kontroparti mhux finanzjarja ma tikkalkulax il-pożizzjonijiet tagħha, jew fejn ir-riżultat ta' dak il-kalkolu msemmi fir-rigward ta' klassi waħda jew aktar ta' derivattivi OTC jaqbeż il-livelli limiti tal-ikklerjar speċifikati skont il-punt (b) tal-ewwel subparagrafu tal-paragrafu 4, dik il-kontroparti mhux finanzjarja għandha:
(a)
minnufih tinnotifika lill-AETS u lill-awtorità kompetenti rilevanti, u, fejn rilevanti, tindika l-perijodu użat għall-kalkolu;
(b)
tistabbilixxi arranġamenti ta' kklerjar fi żmien erba' xhur min-notifika msemmija fil-punt (a) ta' dan is-subparagrafu;
(c)
issir soġġetta għall-obbligu tal-ikklerjar imsemmi fl-Artikolu 4 għall-kuntratti tad-derivattivi OTC konklużi jew innovati aktar minn erba' xhur wara n-notifika msemmija fil-punt (a) ta' dan is-subparagrafu li jappartjenu għal dawk il-klassijiet tal-assi li fir-rigward tagħhom ir-riżultat tal-kalkolu jaqbeż il-limiti tal-ikklerjar jew, fejn il-kontroparti mhux finanzjarja ma tkunx ikkalkulat il-pożizzjoni tagħha, li jappartjenu għal kwalunkwe klassi ta' derivattivi OTC li hija soġġetti għall-obbligu tal-ikklerjar.
|
|
Artikolu 10 2.
|
Kontroparti mhux finanzjarja li tkun soġġetta għall-obbligu tal-ikklerjar imsemmi fl-Artikolu 4 fis-17 ta' Ġunju 2019 jew li ssir soġġetta għall-obbligu tal-ikklerjar skont it-tieni subparagrafu tal-paragrafu 1 ta' dan l-Artikolu, għandha tibqa' soġġetta għal dak l-obbligu u għandha tkompli l-ikklerjar sakemm dik il-kontroparti mhux finanzjarja turi lill-awtorità kompetenti rilevanti li l-pożizzjoni aggregata medja tagħha fi tmiem ix-xahar għat-12-il xahar preċedenti ma teċċedix il-limitu minimu għall-ikklerjar speċifikat skont il-punt (b) tal-paragrafu 4 ta' dan l-Artikolu. Il-kontroparti mhux finanzjarja għandha tkun tista' turi lill-awtorità kompetenti rilevanti li l-kalkolu tal-pożizzjoni aggregata medja tagħha fi tmiem ix-xahar għat-12-il xahar ta' qabel ma jwassalx għal sottovalutazzjoni sistematika tal-pożizzjoni.
|
|
Artikolu 10 2a.
|
L-awtoritajiet kompetenti rilevanti tal-kontroparti mhux finanzjarja u entitajiet l-oħra fil-grupp għandhom jistabbilixxu proċeduri biex jiżguraw il-kalkolu effettiv tal-pożizzjonijiet fil-livell tal-grupp.
|
|
Artikolu 10 3.
|
Fil-kalkolu tal-pożizzjonijiet imsemmija fil-paragrafu 1, il-kontroparti mhux finanzjarja għandha tinkludi l-kuntratti tad-derivati OTC kollha konklużi mill-kontroparti mhux finanzjarja jew minn entitajiet mhux finanzjarji oħra fil-grupp li għalih il-kontroparti mhux finanzjarja tappartjeni, li mhumiex oġġettivament miżurabbli bħala li jnaqqsu r-riskji relatati direttament mal-attività kummerċjali jew attività ta’ finanzjament tat-teżor tal-kontroparti mhux finanzjarja jew ta’ dak il-grupp.
|
|
Artikolu 10 4.
|
L-AETS, wara li tkun ikkonsultat mal-BERS u ma’ awtoritajiet rilevanti oħrajn, għandha tiżviluppa abbozzi ta’ standards tekniċi regolatorji biex tispeċifika:
(a)
il-kriterji sabiex jiġi stabbilit liema kuntratti tad-derivati OTC jistgħu jitkejlu b’mod oġġettiv bħala li jnaqqsu r-riskji direttament relatati mal-attività kummerċjali jew mal-attività ta’ finanzjament tat-teżor imsemmija fil-paragrafu 3;
(b)
il-valuri tal-limiti tal-ikklerjar għall-pożizzjonijiet mhux ikklerjati, li jiġu ddeterminati filwaqt li titqies il-metodoloġija stabbilita fil-paragrafu 3 ta’ dan l-Artikolu u fl-Artikolu 4a(3), ir-rilevenza sistemika tas-somma tal-pożizzjonijiet u tal-iskoperturi netti għal kull kontroparti u għal kull klassi ta’ derivati OTC; u
(c)
il-mekkaniżmi li jagħtu bidu għal rieżami tal-valuri tal-limiti tal-ikklerjar wara fluttwazzjonijiet sinifikanti tal-prezzijiet fil-klassi sottostanti tad-derivati OTC jew żieda sinifikanti tar-riskji għall-istabbiltà finanzjarja.
L-AETS għandha tissottometti dawk l-abbozzi ta’ standards tekniċi ta’ implimentazzjoni lill-Kummissjoni sal-25 ta’ Diċembru 2025. Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu ta’ dan il-paragrafu skont l-Artikoli 10 sa 14 tar-Regolament (UE) Nru 1095/2010.
|
|
Artikolu 10 4a.
|
L-AETS, b’konsultazzjoni mal-BERS, għandha tirrieżamina l-limiti tal-ikklerjar imsemmija fil-paragrafu 4, l-ewwel subparagrafu, il-punt (b), ta’ dan l-Artikolu u fl-Artikolu 4a(4), filwaqt li tqis, b’mod partikolari, l-interkonnettività tal-kontropartijiet finanzjarji u l-ħtieġa li tiġi żgurata l-kopertura prudenti tal-kontropartijiet finanzjarji skont l-obbligu tal-ikklerjar. Dak ir-rieżami għandu jitwettaq mill-inqas kull sentejn, jew aktar kmieni fejn ikun neċessarju jew fejn meħtieġ skont il-mekkaniżmi stabbiliti skont il-paragrafu 4, l-ewwel subparagrafu, il-punt (c). B’riżultat ta’ dak ir-rieżami, l-AETS tista’, fl-istandards tekniċi regolatorji adottati skont il-paragrafu 4, tipproponi bidliet għal-limiti speċifikati fl-ewwel subparagrafu, il-punt (b), ta’ dak il-paragrafu. Meta tirrieżamina l-limiti tal-ikklerjar, l-AETS għandha tikkunsidra jekk il-klassijiet ta’ derivati OTC, li għalihom ġie stabbilit limitu tal-ikklerjar, għadhomx il-klassijiet rilevanti ta’ derivati OTC jew jekk jenħtieġx li jiġu introdotti klassijiet ġodda. Dak ir-rieżami perjodiku għandu jkun akkumpanjat minn rapport mill-AETS dwar is-suġġett.
|
|
Artikolu 10 4b.
|
L-awtoritajiet kompetenti rilevanti tal-kontroparti mhux finanzjarja u tal-entitajiet l-oħrajn fi ħdan il-grupp għandhom jistabbilixxu proċeduri ta’ kooperazzjoni sabiex jiżguraw il-kalkolu effettiv tal-pożizzjonijiet u jevalwaw u jivvalutaw il-livell ta’ skopertura fil-kuntratti tad-derivati OTC fil-livell ta’ grupp.
|
|
Artikolu 10 5.
|
Kull Stat Membru għandu jaħtar awtorità responsabbli sabiex tiżgura li l-obbligi tal-kontropartijiet mhux finanzjarji skont dan ir-Regolament jiġu ssodisfati. Dik l-awtorità, f’kooperazzjoni mal-awtoritajiet responsabbli għall-entitajiet l-oħrajn tal-grupp, għandha tirrapporta lill-AETS mill-anqas kull sentejn, u aktar ta’ spiss meta tiġi identifikata sitwazzjoni ta’ emerġenza skont l-Artikolu 24, dwar l-eżitu tal-valutazzjoni tal-livell ta’ skopertura fid-derivati OTC tal-kontropartijiet mhux finanzjarji li hija responsabbli għalihom. L-awtorità responsabbli għall-impriża prinċipali fl-Unjoni tal-grupp li għalih tappartjeni l-kontroparti mhux finanzjarja għandha tirrapporta lill-AETS, mill-inqas kull sentejn, dwar l-eżitu tal-valutazzjoni tal-livell ta’ skopertura f’derivati OTC tal-grupp. Mill-anqas kull sentejn mill-24 ta’ Diċembru 2024, l-AETS għandha tippreżenta rapport lill-Parlament Ewropew, lill-Kunsill u lill-Kummissjoni dwar l-attivitajiet tal-kontropartijiet mhux finanzjarji tal-Unjoni fid-derivati OTC, li jidentifika l-oqsma fejn hemm nuqqas ta’ konverġenza u koerenza fl-applikazzjoni ta’ dan ir-Regolament, kif ukoll riskji potenzjali għall-istabbiltà finanzjarja tal-Unjoni.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 30.01.2027 00:00:00 -Doknr: CELEX:32012R0648
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|