+Artikolu 46 Rekwiżiti tal-kollateral
---+Artikolu 46 1.
---+Artikolu 46 2.
---+Artikolu 46 3.
|
Artikolu 46 Rekwiżiti tal-kollateral
1. Ħarsa ġenerali
| Titlu |
Regolamentazzjoni |
|
Artikolu 46 1.
|
CCP għandha taċċetta kollateral likwidu ħafna b’riskju minimu ta’ kreditu u tas-suq sabiex tkopri l-iskopertura inizjali u kontinwa tagħha għall-membri tal-ikklerjar tagħha. CCP tista’, dment li jiġu ssodisfati l-kondizzjonijiet rilevanti, taċċetta garanziji pubbliċi, garanziji bankarji pubbliċi jew garanziji bankarji kummerċjali, sakemm dawn ikunu disponibbli mingħajr kundizzjonijiet fuq talba fil-perjodu ta’ likwidazzjoni msemmi fl-Artikolu 41. CCP għandha tistabbilixxi fir-regoli operattivi tagħha l-livell minimu aċċettabbli ta’ kollateralizzazzjoni għall-garanziji li taċċetta u tista’ tispeċifika li tista’ taċċetta garanziji bankarji pubbliċi jew garanziji bankarji kummerċjali kompletament mhux kollateralizzati. CCP tista’ taċċetta garanziji pubbliċi, garanziji bankarji pubbliċi jew garanziji bankarji kummerċjali biss biex tkopri l-iskopertura inizjali u kontinwa tagħha għall-membri tal-ikklerjar tagħha li huma kontropartijiet mhux finanzjarji jew għal klijenti ta’ membri tal-ikklerjar, dment li dawk il-klijenti jkunu kontropartijiet mhux finanzjarji. Meta jiġu pprovduti assi, garanziji pubbliċi, garanziji bankarji pubbliċi jew garanziji bankarji kummerċjali lil CCP dik is-CCP għandha:
(a)
tieħu kont tal-garanziji bankarji pubbliċi jew tal-garanziji bankarji kummerċjali meta tikkalkula l-iskopertura tagħha għall-bank, li huwa wkoll membru tal-ikklerjar, li joħroġhom;
(b)
tissoġġetta lill-garanziji bankarji pubbliċi jew lill-garanziji bankarji kummerċjali mhux kollateralizzati għal limiti ta’ konċentrazzjoni;
(c)
tapplika t-telf impost adegwat fuq il-valuri tal-assi, il-garanziji pubbliċi, il-garanziji bankarji pubbliċi u l-garanziji bankarji kummerċjali sabiex dawk il-valuri jkunu jirriflettu l-potenzjal biex dawk il-valuri jonqsu matul l-intervall bejn l-aħħar rivalwazzjoni tagħhom u ż-żmien sa meta jistgħu raġonevolment jiġu preżunti li jiġu likwidati jew eżerċitati, kif applikabbli;
(d)
tqis ir-riskju ta’ likwidità wara l-inadempjenza ta’ parteċipant fis-suq u r-riskju ta’ konċentrazzjoni fuq ċerti assi fl-istabbiliment tal-kollateral aċċettabbli u tat-telf impost rilevanti għas-CCP;
(e)
tqis il-ħtieġa li jiġi minimizzat kwalunkwe effett proċikliku potenzjali ta’ tali reviżjonijiet meta tirrevedi l-livell tat-telf impost li tapplika għall-assi u l-garanziji pubbliċi, il-garanziji bankarji pubbliċi u l-garanziji bankarji kummerċjali li taċċetta bħala kollateral.
|
|
Artikolu 46 2.
|
Kontroparti ċentrali tista’ taċċetta, meta dan ikun xieraq u prudenti biżżejjed, dak li fuqu hu bbażat il-kuntratt tad-derivati jew l-istrument finanzjarju li joriġina mill-iskopertura tal-kontroparti ċentrali bħala kollateral sabiex tkopri r-rekwiżiti tal-marġini tagħha.
|
|
Artikolu 46 3.
|
L-AETS, b’kooperazzjoni mal-EBA, u wara li tikkonsulta mal-BERS u mal-membri tas-SEBĊ, għandha tiżviluppa abbozzi ta’ standards tekniċi regolatorji biex tispeċifika:
(a)
it-tip ta’ kollateral li jista’ jitqies bħala likwidu ħafna, bħall-flus kontanti, id-deheb, il-bonds tal-gvern u oħrajn korporattivi ta’ kwalità għolja u bonds koperti,
(b)
it-telf impost imsemmi fil-paragrafu 1, filwaqt li jitqies l-objettiv li tiġi limitata l-proċiklikalità tagħhom; u
(c)
il-kundizzjonijiet rilevanti li fihom il-garanziji pubbliċi, il-garanziji ta’ banek pubbliċi u l-garanziji ta’ anek kummerċjali jistgħu jiġu aċċettati bħala kollateral skont il-paragrafu 1, inklużi limiti ta’ konċentrazzjoni xierqa, rekwiżiti tal-kwalità tal-kreditu u rekwiżiti stretti għal riskji ta’ korrelazzjoni ħażina għal garanziji ta’ banek pubbliċi u garanziji ta’ banek kummerċjali.
L-AETS għandha tippreżenta l-abbozzi ta’ standards tekniċi regolatorji msemmija fl-ewwel subparagrafu lill-Kummissjoni sal-25 ta’ Diċembru 2025. Il-Kummissjoni tingħata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu ta’ dan il-paragrafu f’konformità mal-Artikoli 10 sa 14 tar-Regolament (UE) Nru 1095/2010.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 30.01.2027 00:00:00 -Doknr: CELEX:32012R0648
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|