Artikolu 40
Immaniġjar tal-iskoperturi
Kontroparti ċentrali għandha tkejjel u tivvaluta l-likwidità tagħha u l-iskoperturi tal-kreditu tagħha għal kull membru tal-ikklerjar u, fejn rilevanti, għal kontroparti ċentrali oħra li magħha tkun ikkonkludiet arranġament interoperabbli, fuq bażi ta’ kważi ħin reali. Kontroparti ċentrali għandu jkollha aċċess fil-ħin u fuq bażi mhux diskriminatorja għas-sorsi tal-ipprezzar rilevanti sabiex tkun tista’ tkejjel l-iskoperturi tagħha b’mod effettiv. Dan għandu jsir fuq bażi raġonevoli ta’ kost.
▼M18
Mingħajr preġudizzju għall-Artikolu 1(4) u (5), u bl-objettiv li jiġi ffaċilitat l-ikklerjar ċentrali minn entitajiet tas-settur pubbliku, l-AETS għandha, sal-25 ta’ Ġunju 2026, toħroġ linji gwida f’konformità mal-Artikolu 16 tar-Regolament (UE) Nru 1095/2010 li jispeċifikaw il-metodu li għandu jintuża mis-CCPs awtorizzati skont l-Artikolu 14 ta’ dan ir-Regolament għall-kalkolu tal-iskoperturi u tal-kontribuzzjonijiet, jekk ikun hemm, għar-riżorsi finanzjarji tas-CCPs minn entitajiet tas-settur pubbliku li jipparteċipaw f’tali CCPs, filwaqt li jitqies kif xieraq il-mandat tal-entitajiet tas-settur pubbliku.
▼B