Artikolu 6 Kontrolli fuq il-maniġment superjuri u fuq is-sidien benefiċjarji ta' ċerti entitajiet marbutin b'obbligu

1.   L-Istati Membri għandhom jeħtieġu lis-superviżuri jivverifikaw li l-membri tal-maniġment superjuri fl-entitajiet marbutin b'obbligu msemmija fl-Artikolu 4(1) u (2) kif ukoll kumpaniji azzjonarji ta’ attività finanzjarja mħallta, u s-sidien benefiċjarji ta' tali entitajiet ikunu ta' reputazzjoni tajba, u jaġixxu b’onestà u b’integrità. Il-maniġment superjuri ta’ tali entitajiet għandu jkollu wkoll l-għarfien u l-kompetenza esperta meħtieġa biex iwettaq il-funzjonijiet tiegħu.

2.   Fir-rigward tal-entitajiet marbutin b’obbligu msemmija fl-Artikolu 3, il-punti (3)(a), (b), (d), (e), (f) u (h) sa (o), tar-Regolament (UE) 2024/1624, l-Istati Membri għandhom jiżguraw li s-superviżuri jieħdu l-miżuri meħtieġa biex jipprevjenu li persuni li jkunu nstabu ħatja ta’ ħasil tal-flus, tar-reati predikati rilevanti tiegħu jew ta' finanzjament tat-terroriżmu, jew il-kumpaniji assoċjati tagħhom, jiġu professjonalment akkreditati, milli jokkupaw pożizzjoni maniġerjali superjuri f'dawn l-entitajiet marbutin b'obbligu, jew millijikunu s-sidien benefiċjarji tagħhom.

3.   L-Istati Membri għandhom jiżguraw li s-superviżuri jivverifikaw abbażi tas-sensittiva għar-riskju jekk ir-rekwiżiti tal-paragrafi 1 u 2 jkunux għadhom qed jiġu ssodisfati. B'mod partikolari, għandhom jivverifikaw jekk il-maniġment superjuri tal-entitajiet marbutin b'obbligu msemmija fil-paragrafu 1 ikunx ta' reputazzjoni tajba, jaġixxix b'onestà u b'integrità u jekk ikollux l-għarfien u l-kompetenza esperta meħtieġa biex iwettaq il-funzjonijiet tiegħu f'każijiet fejn ikun hemm raġunijiet validi biex wieħed jissuspetta li sar, qed isir jew hemm tentattivi biex isir ħasil tal-flus jew finanzjament tat-terroriżmu, jew ikun riskju akbar li dan isir f'entità marbuta b'obbligu.

4.   L-Istati Membri għandhom jiżguraw li s-superviżuri jkollhom is-setgħa li jitolbu t-tneħħija ta' kwalunkwe persuna li tkun instabet ħatja ta' ħasil tal-flus, tar-reati predikati rilevanti tiegħu jew ta' finanzjament tat-terroriżmu mill maniġment superjuri tal-entitajiet marbutin b'obbligu kif imsemmi fil-paragrafi 1 u 2. L-Istati Membri għandhom jiżguraw li s-superviżuri jkollhom is-setgħa li jneħħu jew jimponu projbizzjoni temporanja fuq membri tal-maniġment superjuri tal-entitajiet marbutin b'obbligu msemmija fil-paragrafu 1 li ma jkunux meqjusa bħala li jkunu ta' reputazzjoni tajba, li qed jaġixxu b'onestà u integrità jew li jkollhom l-għarfien u l-kompetenza esperta meħtieġa biex iwettqu l-funzjonijiet tagħhom.

5.   L-Istati Membri għandhom jiżguraw li s-superviżuri jkollhom is-setgħa li jiddiżassoċjaw persuni li jkunu nstabu ħatja ta' ħasil tal-flus, tar-reati predikati rilevanti tiegħu jew ta' finanzjament tat-terroriżmu, li jkunu s-sidien benefiċjarji ta' entitajiet marbuta b'obbligu kif imsemmi fil-paragrafi 1 u 2, minn entitajiet marbuta b’obbligu, inkluż billi s-superviżuri jingħataw is-setgħa jitolbu l-iżvestiment tal-parteċipazzjoni minn dawk is-sidien benefiċjarji f'entitajiet marbuta b'obbligu.

6.   Għall-finijiet ta' dan l-Artikolu, l-Istati Membri għandhom jiżguraw li, f'konformità mad-dritt nazzjonali tagħhom, is-superviżuri jew kwalunkwe awtorità oħra fil-livell nazzjonali li tkun kompetenti biex tivvaluta r-rekwiżiti applikabbli għall-persuni msemmija fil-paragrafi 1 u 2 ta’ dan l-Artikolu, jiċċekkjaw il-bażi tad-data ċentrali tal-AML/CFT skont l-Artikolu 11 tar-Regolament (UE) 2024/1620 u jekk teżistix kundanna rilevanti fir-rekord kriminali tal-persuna kkonċernata. Kwalunkwe skambju ta' informazzjoni għal dawk il-finijiet għandu jsir f'konformità mad-Deċiżjoni Qafas 2009/315/ĠAI u d-Deċiżjoni 2009/316/ĠAI kif implimentati fid-dritt nazzjonali.

7.   L-Istati Membri għandhom jiżguraw li d-deċiżjonijiet meħuda mis-superviżuri skont dan l-Artikolu jkunu soġġetti għal proċeduri effettivi ta' rimedju, inkluż rimedju ġudizzjarju.

8.   Sal-10 ta’ Lulju 2029, l-AMLA għandha toħroġ linji gwida dwar:

Meta tfassal il-linji gwida msemmija fl-ewwel subparagrafu, l-AMLA għandha tqis l-ispeċifiċitajiet ta' kull settur li fih joperaw l-entitajiet marbutin b'obbligu.

9.   Jenħtieġ li l-Istati Membri japplikaw dan l-Artikolu fir-rigward tal-entitajiet matbutin b’obbligu msemmija fl-Artikolu 3, il-punti 3(n) u (o) tar-Regolament (UE) 2024/1624 mill-10 ta’ Lulju 2029.