Artikolu 52 Sorveljanza tal-korpi ta' awtoregolamentazzjoni

(a)

tivverifika li kull korp ta' awtoregolamentazzjoni li jwettaq il-funzjonijiet jew li jaspira li jwettaq il-funzjonijiet imsemmija fl-Artikolu 37(1) jissodisfa r-rekwiżiti tal-paragrafu 3 ta' dak l-Artikolu;

(b)

toħroġ gwida dwar l-eżekuzzjoni tal-funzjonijiet imsemmija fl-Artikolu 37(1);

(c)

tiżgura li l-korpi ta' awtoregolamentazzjoni jwettqu l-funzjonijiet tagħhom skont it-Taqsima 1 ta' dan il-Kapitolu b'mod adegwat u effettiv;

(d)

tirrevedi l-eżenzjonijiet mogħtija mill-korpi ta' awtoregolamentazzjoni mill-obbligu għat-tfassil ta' valutazzjoni tar-riskju individwali ddokumentata skont il-punt (b) tal-Artikolu 37(5);

(e)

tinforma regolarment lill-korpi ta' awtoregolamentazzjoni bi kwalunkwe attività ppjanata jew kompitu mwettaq mill-AMLA li jkun rilevanti għat-twettiq tal-funzjoni superviżorja tagħhom, u b'mod partikolari l-ippjanar ta' valutazzjonijiet bejn il-pari f'konformità mal-Artikolu 35 tar-Regolament (UE) 2024/1620.

(a)

tobbliga l-produzzjoni ta' kwalunkwe informazzjoni li hija rilevanti għall-monitoraġġ tal-konformità u għat-twettiq tal-kontrolli, għajr kwalunkwe informazzjoni miġbura mill-entitajiet marbutin b'obbligu msemmija fl-Artikolu 3, il-punti (3)(a) u (b) tar-Regolament (UE) 2024/1624 waqt li jkunu qed jaċċertaw il-pożizzjoni ġuridika tal-klijent tagħhom, soġġetta għall-kundizzjonijiet tal-Artikolu 21(2) ta' dak ir-Regolament, jew għat-twettiq tal-kompitu ta' difiża jew ta' rappreżentanza ta' dak il-klijent fi proċedimenti ġudizzjarji jew fir-rigward ta' tali proċedimenti, inkluż l-għoti ta' pariri dwar il-ftuħ jew l-evitar ta' tali proċedimenti; jekk tali informazzjoni tkunx inġabret qabel, waqt jew wara tali proċedimenti;

(b)

toħroġ struzzjonijiet lil korp ta' awtoregolamentazzjoni bil-għan li jirrimedja n-nuqqas tiegħu li jwettaq il-funzjonijiet skont l-Artikolu 37(1) jew biex jikkonforma mar-rekwiżiti tal-paragrafu 6 ta' dak l-Artikolu, jew biex jipprevjeni kwalunkwe tali nuqqas.

(a)

l-għadd u n-natura tal-ksur identifikat minn kull korp ta' awtoregolamentazzjoni u s-sanzjonijiet pekunarji imposti fuq, jew il-miżuri amministrativi applikati għal, l-entitajiet marbutin b'obbligu;

(b)

l-għadd ta' tranżazzjonijiet suspettużi rrapportati mill-entitajiet marbutin b’obbligu soġġetti għas-superviżjoni minn kull korp ta' awtoregolamentazzjoni lill-FIU, kemm jekk sottomessi direttament skont l-Artikolu 69(1) tar-Regolament (UE) 2024/1624, jew jekk mibgħuta minn kull korp ta' awtoregolamentazzjoni lill-FIU skont l-Artikolu 70(1) ta' dak ir-Regolament;

(c)

l-għadd u d-deskrizzjoni ta’ sanzjonijiet pekunarji u pagamenti perjodiċi ta’ penali imposti jew miżuri amministrattivi applikati skont it-Taqsima 4 ta' dan il-Kapitolu minn kull korp ta' awtoregolamentazzjoni biex jiġi żgurat il-monitoraġġ tal-konformità mill-entitajiet marbutin b'obbligu mar- Regolament (UE) 2024/1624 imsemmija fl-Artikolu 55(1) ta' din id-Direttiva;

(d)

l-għadd u d-deskrizzjoni tal-miżuri meħuda mill-awtorità pubblika li tissorvelja l-korpi ta' awtoregolamentazzjoni skont dan l-Artikolu u l-għadd ta' struzzjonijiet maħruġa lill-korpi ta' awtoregolamentazzjoni.