1. L-Istati Membri għandhom jiżguraw li s-sanzjonijiet pekunarji jiġu imposti fuq l-entitajiet marbutin b'obbligu għal ksur serju, ripetut u sistematiku, kemm jekk imwettaq b'intenzjoni jew b'negliġenza, tar-rekwiżiti stabbiliti fid-dispożizzjonijiet li ġejjin tar-Regolament (UE) 2024/1624:
|
(a)
|
il-Kapitolu II (Politiki, proċeduri u kontrolli interni tal-entitajiet marbutin b'obbligu);
|
|
(b)
|
il-Kapitolu III (Diliġenza dovuta fir-rigward tal-klijent);
|
|
(c)
|
il-Kapitolu V (Obbligi ta' rappurtar);
|
|
(d)
|
l-Artikolu 77 (Żamma ta' rekords).
|
L-Istati Membri għandhom jiżguraw ukoll li jistgħu jiġu imposti sanzjonijiet pekunarji meta l-entitajiet marbutin b'obbligu ma jkunux ikkonformaw mal-miżuri amministrattivi applikati lilhom skont l-Artikolu 56 ta' din id-Direttiva jew għal ksur li ma jkunx serju, ripetut jew sistematiku.