Artikolu 16 L-immaniġġar tal-likwidità

L-AIFMs għandhom iwettqu regolarment simulazzjonijiet ta’ kriżi, taħt kundizzjonijiet ta’ likwidità normali u eċċezzjonali, li jippermettulhom jivvalutaw ir-riskju ta’ likwidità tal-AIFs u jissorveljaw r-riskju ta’ likwidità tal-AIFs b’mod konformi.

B’deroga mill-ewwel subparagrafu, AIF li joriġina self jista’ jkun miftuħ dment li l-AIFM li jimmaniġġa jkun kapaċi juri lill-awtoritajiet kompetenti tal-Istat Membru ta’ domiċilju tal-AIFM li s-sistema tal-immaniġġar tar-riskju tal-likwidità tal-AIF hija kompatibbli mal-istrateġija ta’ investiment u l-politika ta’ tifdija tiegħu.

Ir-rekwiżit stabbilit fl-ewwel subparagrafu ta’ dan il-paragrafu għandu jkun mingħajr preġudizzju għal-limiti, ir-restrizzjonijiet u l-kundizzjonijiet stabbiliti fir-Regolamenti (UE) Nru 345/2013, (UE) Nru 346/2013 u (UE) 2015/760.

B’deroga mill-ewwel subparagrafu, AIFM jista’ jiddeċiedi li jagħżel għodda waħda biss għall-ġestjoni tal-likwidità minn dawk imsemmija fl-Anness V, il-punti 2 sa 8, għal AIF li jimmaniġġa jekk dak l-AIF ikun awtorizzat bħala fond tas-suq monetarju f’konformità mar-Regolament (UE) 2017/1131 tal-Parlament Ewropew u tal-Kunsill ( 17 ).

L-AIFM għandu jimplimenta politiki u proċeduri dettaljati għall-attivazzjoni u d-diżattivazzjoni ta’ kwalunkwe għodda magħżula għall-ġestjoni tal-likwidità u l-arranġamenti operazzjonali u amministrattivi għall-użu ta’ tali għodda. L-għażla msemmija fl-ewwel u t-tieni subparagrafi u l-politiki u l-proċeduri dettaljati għall-attivazzjoni u d-diżattivazzjoni għandhom jiġu kkomunikati lill-awtoritajiet kompetenti tal-Istat Membru ta’ domiċilju tal-AIFM.

Tifdija in natura kif imsemmi fl-Anness V, il-punt 8, għandha tiġi attivata biss biex tissodisfa tifdijiet mitluba minn investituri professjonali u jekk it-tifdija in natura tikkorrispondi għal sehem pro rata tal-assi miżmuma mill-AIF.

B’deroga mir-raba’ subparagrafu ta’ dan il-paragrafu, it-tifdija in natura ma hemmx bżonn li tikkorrispondi għal sehem pro rata tal-assi miżmuma mill-AIF jekk dak l-AIF ikun ikkummerċjalizzat biss ma’ investituri professjonali, jew meta l-għan ta’ dik il-politika ta’ investiment ta’ dak l-AIF ikun li tirreplika l-kompożizzjoni ta’ ċertu indiċi ta’ titoli ta’ dejn jew ta’ stokk, u dak l-AIF ikun fond negozjat fil-borża kif definit fl-Artikolu 4(1), il-punt (46), tad-Direttiva 2014/65/UE.

AIFM għandu juża biss sospensjoni tas-sottoskrizzjonijiet, ix-xiri mill-ġdid u t-tifdijiet jew is-side pockets kif imsemmi fl-ewwel subparagrafu f’każijiet eċċezzjonali meta ċ-ċirkostanzi jeħtieġu hekk, u ġġustifikata fir-rigward tal-interessi tal-investituri tal-AIF.

AIFM għandu, fi żmien raġonevoli qabel jattiva jew jiddiżattiva għodda għall-ġestjoni tal-likwidità msemmija fl-Anness V, il-punt 9, jinnotifika lill-awtoritajiet kompetenti tal-Istat Membru ta’ domiċilju dwar tali attivazzjoni jew diżattivazzjoni.

L-awtoritajiet kompetenti tal-Istat Membru ta’ domiċilju tal-AIFM għandhom jinformaw, mingħajr dewmien, lill-awtoritajiet kompetenti ta’ Stat Membru ospitanti tal-AIFM, lill-AETS u, jekk ikun hemm riskji potenzjali għall-istabbiltà u l-integrità tas-sistema finanzjarja, lill-Bord Ewropew dwar ir-Riskju Sistemiku (BERS) stabbilit bir-Regolament (UE) Nru 1092/2010 tal-Parlament Ewropew u tal-Kunsill ( 18 ) bi kwalunkwe notifika riċevuta f’konformità ma’ dan il-paragrafu. L-AETS għandu jkollha s-setgħa li tikkondividi l-informazzjoni li tirċievi skont dan il-paragrafu mal-awtoritajiet kompetenti.

When developing those draft regulatory technical standards, ESMA shall take account of the diversity of investment strategies and underlying assets of AIFs. Those standards shall not restrict the ability of AIFMs to use any appropriate liquidity management tool for all asset classes, jurisdictions and market conditions.

Il-Kummissjoni tiġi ddelegata s-setgħa li tissupplimenta din id-Direttiva billi tadotta l-istandards tekniċi regolatorji msemmija fil-paragrafi 2f u 2 g f’konformità mal-Artikoli 10 sa 14 tar-Regolament (UE) Nru 1095/2010.