1. Is-superviżuri tal-gruppi, l-awtoritajiet superviżorji, l-awtoritajiet ta' riżoluzzjoni fil-livell tal-grupp u l-awtoritajiet ta' riżoluzzjoni għandhom jagħmlu ħilithom sabiex jilħqu d-deċiżjonijiet konġunti msemmijin fl-Artikolu 8(2), fl-Artikolu 11(4) u fl-Artikolu 16(4), kif applikabbli, fi żmien erba' xhur mid-data ta':
|
(a)
|
it-trażmissjoni mis-superviżur tal-grupp tal-pjan ta' rkupru preventiv ta' grupp f'konformità mal-Artikolu 7(6);
|
|
(b)
|
it-trażmissjoni mill-awtorità ta' riżoluzzjoni fil-livell tal-grupp tal-informazzjoni msemmija fl-Artikolu 11(1), it-tieni subparagrafu;
|
|
(c)
|
il-preżentazzjoni ta' kwalunkwe osservazzjoni jew il-proposta ta' kwalunkwe miżura alternattiva mill-impriża omm apikali, jew l-iskadenza tal-perjodu msemmi fl-Artikolu 16(3), skont liema tiġi l-ewwel.
|
Fuq talba ta' awtorità superviżorja jew ta' awtorità ta' riżoluzzjoni, l-EIOPA tista' tassisti lis-superviżuri tal-gruppi, lill-awtoritajiet superviżorji, lill-awtoritajiet ta' riżoluzzjoni fil-livell tal-grupp u lill-awtoritajiet ta' riżoluzzjoni sabiex jilħqu deċiżjoni konġunta f'konformità mal-Artikolu 31(2), il-punt (c), tar-Regolament (UE) Nru 1094/2010.