Artikolu 22 Prinċipji ġenerali li jirregolaw ir-riżoluzzjoni

(a)

l-azzjonisti tal-impriża taħt riżoluzzjoni jġarrbu l-ewwel telf;

(b)

il-kredituri tal-impriża taħt riżoluzzjoni jġarrbu t-telf wara l-azzjonisti f'konformità mal-ordni ta' prijorità tal-klejms tagħhom skont proċedimenti normali ta' insolvenza, ħlief kif altrimenti previst espressament f'din id-Direttiva;

(c)

il-korp amministrattiv, maniġerjali jew superviżorju u l-maniġment superjuri tal-impriża taħt riżoluzzjoni jiġu ssostitwiti, ħlief meta ż-żamma, fis-sħuħija jew parzjali, ta' dak il-korp jew tal-maniġment superjuri titqies neċessarja għall-kisba tal-objettivi ta' riżoluzzjoni;

(d)

il-korp amministrattiv, maniġerjali jew superviżorju u l-maniġment superjuri tal-impriża taħt riżoluzzjoni jipprovdu l-assistenza kollha neċessarja għall-kisba tal-objettivi ta' riżoluzzjoni;

(e)

il-persuni fiżiċi u ġuridiċi jsiru responsabbli skont il-liġi ċivili jew penali għar-responsabbiltà tagħhom għall-falliment tal-impriża taħt riżoluzzjoni;

(f)

ħlief fejn previst mod ieħor f'din id-Direttiva, kredituri tal-istess klassi jiġu ttrattati bl-istess mod;

(g)

l-ebda azzjonist jew kreditur ma jġarrab telf akbar milli kien iġarrab li kieku l-impriża tal-assigurazzjoni jew tar-riassigurazzjoni ġiet stralċata skont proċedimenti normali ta' insolvenza f'konformità mas-salvagwardji fl-Artikoli 55 sa 57;

(h)

l-azzjoni ta' riżoluzzjoni tittieħed f'konformità mas-salvagwardji f'din id-Direttiva.

(a)

l-impatt fuq entitajiet oħrajn fi grupp u fuq il-grupp kollu kemm hu;

(b)

l-effetti avversi fuq id-detenturi ta' poloz, fuq l-ekonomija reali u fuq l-istabbiltà finanzjarja fl-Unjoni u fl-Istati Membri.