+Artikolu 35 5

Artikolu 35 5

5.   L-awtoritajiet ta' riżoluzzjoni ma għandhomx japplikaw l-għodda ta' valwazzjoni negattiva jew ta' konverżjoni fir-rigward tal-obbligazzjonijiet li ġejjin kemm jekk ikunu rregolati bil-liġi ta' Stat Membru jew ta' pajjiż terz:

(a)

obbligazzjonijiet garantiti;

(b)

obbligazzjonijiet lil istituzzjonijiet ta' kreditu, lil ditti ta' investiment u lil impriżi tal-assigurazzjoni jew tar-riassigurazzjoni, ħlief għal entitajiet li jkunu parti mill-istess grupp, b'maturità oriġinali ta' anqas minn sebat ijiem;

(c)

obbligazzjonijiet b'maturità li jifdal ta' anqas minn sebat ijiem, dovuti jew lil sistemi jew lil operaturi ta' sistemi maħtura f'konformità mad-Direttiva 98/26/KE jew lill-parteċipanti tagħhom u li jirriżultaw mill-parteċipazzjoni f'tali sistema, jew lil CCPs awtorizzati fl-Unjoni skont l-Artikolu 14 tar-Regolament (UE) Nru 648/2012 u lil CCPs ta' pajjiżi terzi rikonoxxuti mill-Awtorità Superviżorja Ewropea (Awtorità Ewropea tat-Titoli u s-Swieq) (ESMA), stabbilita bir-Regolament (UE) Nru 1095/2010 tal-Parlament Ewropew u tal-Kunsill (20), skont l-Artikolu 25 tar-Regolament (UE) Nru 648/2012;

(d)

obbligazzjoni lejn kwalunkwe minn dawn li ġejjin:

(i)

impjegat, b'rabta mas-salarju, ma' benefiċċji tal-pensjoni jew ma' remunerazzjoni oħra fissa dovuta, ħlief għall-komponent varjabbli tar-remunerazzjoni li ma hijiex regolata bil-liġi jew bi ftehim ta' negozjar kollettiv;

(ii)

kreditur kummerċjali jew ta' negozju li jinħoloq mill-forniment ta' entità msemmija fl-Artikolu 1(1), il-punti (a) sa (e), ta' oġġetti jew servizzi, bħal servizzi tal-IT, utilitajiet u l-kiri, il-manutenzjoni u ż-żamma tal-bini, li huma meħtieġa biex jinżamm il-funzjonament kontinwu tal-operazzjonijiet ta' dik l-entità, jew li huma meħtieġa biex tiġi żgurata l-kontinwità tal-kopertura tal-assigurazzjoni;

(iii)

awtoritajiet tat-taxxa u tas-sigurtà soċjali, dment li dawk l-obbligazzjonijiet ikunu preferuti skont il-liġi applikabbli;

(iv)

skemi ta' garanzija tal-assigurazzjoni li jirriżultaw minn kontribuzzjonijiet dovuti f'konformità mal-liġijiet nazzjonali applikabbli;

(e)

obbligazzjonijiet li jirriżultaw minn assigurazzjoni obbligatorja kontra responsabbiltà ċivili fir-rigward tal-użu ta' vetturi bil-mutur skont id-Direttiva 2009/103/KE.

1. Ħarsa ġenerali

,

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 08.01.2025 00:00:00 -Doknr: CELEX:32025L0001
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.