Artikolu 29 Ekwivalenza

il-Kummissjoni tkun adottat att ta’ implimentazzjoni f’konformità mal-paragrafu 4;

l-emittent ta’ pajjiż terz ikun iddepożita l-prospett għand l-awtorità kompetenti tal-Istat Membru ta’ domiċilju tiegħu;

l-emittent ta’ pajjiż terz ikun ipprovda konferma bil-miktub li l-prospett kien approvat minn awtorità superviżorja ta’ pajjiż terz u jkun ipprovda d-dettalji ta’ kuntatt ta’ dik l-awtorità;

il-prospett jissodisfa r-rekwiżiti lingwistiċi stabbiliti fl-Artikolu 27;

ir-reklami rilevanti kollha mxerdin fl-Unjoni mill-emittent tal-pajjiż terz jikkonformaw mar-rekwiżiti stabbiliti fl-Artikolu 22(2) sa (5);

l-awtorità kompetenti tal-Istat Membru ta’ domiċilju jew, fejn rilevanti, l-ESMA, tkun ikkonkludiet arranġamenti ta’ kooperazzjoni mal-awtoritajiet superviżorji rilevanti tal-emittent ta’ pajjiż terz f’konformità mal-Artikolu 30.

ir-rekwiżiti legalment vinkolanti tal-pajjiż terz jiżguraw li l-prospett ta’ pajjiż terz ikun fih l-informazzjoni materjali neċessarja sabiex tippermetti lill-investituri jieħdu deċiżjoni informata dwar l-investiment b’mod ekwivalenti għar-rekwiżiti stabbiliti f’dan ir-Regolament;

meta l-investituri individwali jitħallew jinvestu f’titoli li għalihom ikun tfassal prospett ta’ pajjiż terz, dak il-prospett ikun fih sommarju li jipprovdi l-informazzjoni importanti li l-investituri individwali jkunu jeħtieġu sabiex jifhmu n-natura u r-riskji tal-emittent, tat-titoli u, meta applikabbli, tal-garanti, u li għandha tinqara flimkien mal-partijiet l-oħrajn ta’ dak il-prospett;

il-liġijiet, ir-regolamenti u d-dispożizzjonijiet amministrattivi tal-pajjiż terz dwar ir-responsabbiltà ċivili japplikaw għall-persuni responsabbli għall-informazzjoni mogħtija fil-prospett, inkluż tal-anqas għall-emittent jew għall-korpi amministrattivi, maniġerjali jew superviżorji tiegħu, għall-offerent, għall-persuna li tfittex l-ammissjoni għan-negozjar f’suq regolat u, meta applikabbli, għall-garanti;

ir-rekwiżiti legalment vinkolanti tal-pajjiż terz jispeċifikaw il-validità tal-prospett ta’ pajjiż terz u l-obbligu li jissupplimenta l-prospett ta’ pajjiż terz meta fattur ġdid sinifikanti, żball materjali jew nuqqas ta’ akkuratezza materjali tal-informazzjoni inkluża f’dak il-prospett ikun jista’ jaffettwa l-valutazzjoni tat-titoli, kif ukoll il-kundizzjonijiet għall-investituri sabiex jeżerċitaw id-drittijiet ta’ rtirar tagħhom f’każ bħal dan;

il-qafas superviżorju tal-pajjiż terz għall-iskrutinju u għall-approvazzjoni ta’ prospetti ta’ pajjiżi terzi u l-arranġamenti għall-pubblikazzjoni ta’ prospetti ta’ pajjiżi terzi għandhom effett ekwivalenti għad-dispożizzjonijiet imsemmijin fl-Artikoli 20 u 21.