Artikolu 70 Applikazzjoni effettiva tal-penali amministrattivi u ta’ miżuri amministrattivi oħra, u eżerċizzju tas-setgħat ta’ impożizzjoni ta’ penali mill-awtoritajiet kompetenti

il-gravità u kemm idum iseħħ il-ksur;

il-grad ta’ responsabbiltà tal-persuna fiżika jew ġuridika responsabbli għall-ksur;

is-saħħa finanzjarja tal-persuna fiżika jew ġuridika responsabbli għall-ksur, kif indikat, fost l-oħrajn, mill-fatturat totali ta’ persuna ġuridika jew l-introjtu annwali ta’ persuna fiżika;

l-importanza tal-profitti miksuba jew it-telf evitat mill-persuna fiżika jew ġuridika responsabbli għall-ksur, sa fejn ikunu jistgħu jiġu ddeterminati;

it-telf għal partijiet terzi kkawżat mill-ksur, sa fejn dan ikun jista’ jiġi ddeterminat;

il-livell ta’ kooperazzjoni tal-persuna fiżika jew ġuridika responsabbli għall-ksur mal-awtorità kompetenti;

il-ksur preċedenti mill-persuna fiżika jew ġuridika responsabbli għall-ksur;

kwalunkwe konsegwenza sistemika potenzjali tal-ksur;

pieni kriminali imposti preċedentement għall-istess ksur fuq il-persuna fiżika jew ġuridika responsabbli għal dak il-ksur.

il-livell ta’ kooperazzjoni bejn l-awtoritajiet kompetenti fil-kuntest tal-penali applikabbli għal każijiet transfruntiera jew fil-każ ta’ akkumulazzjoni ta’ proċedimenti amministrattivi u kriminali;

l-iskambju ta’ informazzjoni bejn l-awtoritajiet kompetenti meta jittrattaw każijiet transfruntiera;

l-aħjar prattiki żviluppati minn kwalunkwe awtorità kompetenti li jistgħu jkunu ta’ benefiċċju għal awtoritajiet kompetenti oħra sabiex jadottaw fil-qasam ta’ penali amministrattivi, pagamenti perjodiċi ta’ penali u miżuri amministrattivi oħra;

l-effettività u l-grad ta’ konverġenza milħuqa fir-rigward tal-infurzar tad-dispożizzjonijiet nazzjonali li jittrasponu din id-Direttiva u r-Regolament (UE) Nru 575/2013, inkluż il-penali amministrattivi, il-pagamenti perjodiċi ta’ penali u miżuri amministrattivi oħra imposti fuq persuni fiżiċi jew ġuridiċi identifikati bħala responsabbli għall-ksur skont il-liġi nazzjonali.