ANNESS I
DISPOŻIZZJONIJIET GĦAL APPROVAZZJONI TAT-TIP TAL-KE RIGWARD IL-LIVELL TAL-ĦOSS TA’ TIP TA’ VETTURA BIL-MUTUR
1. APPLIKAZZJONI GĦALL-APPROVAZZJONI TAT-TIP TAL-KE GĦAL TIP TA’ VETTURA
|
1.1.
|
L-applikazzjoni għal approvazzjoni tat-tip tal-KE skond l-Artikolu 3(4) tad-Direttiva 70/156/KEE ta’ tip ta’ vettura għal dak li għandu x’jaqsam mal-livell ta’ ħoss għandha tiġi ppreżentata mill-manifattur tal-vettura.
|
|
1.2.
|
Fl-Appendiċi 1 qed jidher il-mudell tad-dokument ta’ tagħrif.
|
|
1.3.
|
Vettura rappreżentattiva tat-tip li għalih qed tintalab l-approvazzjoni tat-tip għandha tiġi ppreżentata lis-servizz tekniku responsabbli għat-testijiet mill-manifattur tal-vettura.
|
|
1.4.
|
Fuq talba tas-servizz tekniku, għandhom ikunu ppreżentati wkoll kampjun tas-sistema ta’ l-egżost u magna ta’ mill-anqas l-istess kapaċità ċilindrika u qawwa massima valorizzata bħal dik installata fil-vettura li għaliha qed tintalab l-approvazzjoni tat-tip.
|
2. LIVELL TA’ ĦOSS TA’ VETTURI MIEXJA
2.1. Valuri tal-limitu
Il-livell tal-ħoss imkejjel skond id-dispożizzjonijiet ta’ l-Anness III m’għandux jaqbeż il-limiti li ġejjin:
|
Kategoriji tal-vettura
|
Valuri espressi f’dB (A)
(decibels(A))
|
|
2.1.1. Vetturi maħsuba għat-trasport tal-passiġġieri u jinkludu mhux aktar minn disa’ sedili inkluż is-sedil tas-sewwieq.
|
74
|
|
2.1.2. Vetturi maħsuba għat-trasport tal-passiġġieri u mgħammrin b’aktar minn disa’ sedili, inkluż is-sedil tas-sewwieq; u li għandhom massa massima permissibbli ta’ aktar minn 3.5 tunnellati u:
|
|
2.1.2.1. b’qawwa tal-magna ta’ anqas minn 150 kW
|
78
|
|
2.1.2.2. b’qawwa tal-magna ta’ mhux anqas minn 150 kW
|
80
|
|
2.1.3. Vetturi maħsuba għat-trasport tal-passiġġieri u mgħammrin b’aktar minn disa’ sedili, inkluż is-sedil tas-sewwieq; vetturi maħsuba għat-trasport tal-merkanzija:
|
|
2.1.3.1. b’toqol massimu permissibbli ta’ mhux aktar minn 2 tunnellati
|
76
|
|
2.1.3.2. b’toqol massimu permissibbli ta’ aktar minn 2 tunnellati metriċi iżda mhux aktar minn 3.5 tunnellati metriċi
|
77
|
|
2.1.4. Vetturi maħsuba għat-trasport tal-merkanzija u li għandhom toqol massimu permissibbli ta’ aktar minn 3.5 tunnellati metriċi
|
|
2.1.4.1. b’qawwa tal-magna ta’ anqas minn 75 kW
|
77
|
|
2.1.4.2. b’qawwa tal-magna ta’ mhux anqas minn 75 kW iżda anqas minn 150 kW
|
78
|
|
2.1.4.3. b’qawwa tal-magna ta’ mhux anqas minn 150 kW
|
80
|
Madankollu
— għal vetturi tal-kategoriji 2.1.1 u 2.1.3, il-valuri tal-limitu jiżdiedu b’1 dB (A) jekk ikunu mgħammrin b’magna diżil b’injezzjoni diretta,
— għal vetturi b’toqol massimu permissibbli ta’ aktar minn żewġ tunnellati maħsuba għall-użu off-road, il-valuri tal-limitu jiżdiedu b’1 dB (A) jekk il-qawwa tal-magna tagħhom hija anqas minn 150 kW u 2 dB (A) jekk il-qawwa tal-magna hija 150kW jew akbar,
— għal vetturi fil-kategorija 2.1.1., mgħammrin b’gear box operata manwalment li għandha aktar minn erba’ gerijiet il quddiem u b’magna li tiżviluppa qawwa massima li taqbeż il-140 kW/t, u li r-relattività tal-qawwa massima/il-massa massima taqbeż il-75 kW/t, il-valuri tal-limitu jiżdiedu b’1 dB (A) jekk il-veloċità li fiha l-wara tal-vettura jgħaddi mill-linja BB’ fit-tielet gear tkun akbar minn 61 km/siegħa.
2.2. Interpretazzjoni tar-riżultati
|
2.2.1.
|
Sabiex jitqiesu l-ineżattezzi fl-istrumenti tal-kejl, ir-riżultat miksub minn kull kejl għandu jkun iddeterminat billi jitnaqqas 1 dB (A) mill-qari ta’ l-arloġġ.
|
|
2.2.2.
|
Il-kejl għandu jitqies validu jekk id-differenza bejn żewġ qisien konsekuttivi fuq l-istess naħa tal-vettura ma jkunux jeċċedu 2 dB(A).
|
|
2.2.3.
|
L-ogħla livell tal-ħoss imkejjel għandu jikkostitwixxi r-riżultat tat-test. Jekk ir-riżultat jeċċedi l-livell massimu tal-ħoss permissibbli għall-kategorija tal-vettura eżaminata b’1 dB(A), għandhom isiru żewġ kejliet oħra fil-pożizzjoni korrispondenti tal-mikrofonu. Tlieta mill-erba’ kejliet miksuba b’dan il-mod fil-pożizzjoni tal-mikrofonu għandhom ikunu fi ħdan il-limiti preskritti.
|
3. IMMARKAR
|
3.1.
|
Il-komponenti tas-sistema ta’ l-egżost u tad-dħul, minbarra l-biċċiet għall-immuntar u l-pajpijiet, għandu jkollhom:
|
3.1.1.
|
it-trademark jew l-isem tal-fabbrikant tas-sistemi u tal-komponenti tagħhom;
|
|
3.1.2.
|
id-deskrizzjoni kummerċjali tal-manifattur.
|
|
|
3.2.
|
Dawn il-marki għandhom ikunu jistgħu jinqraw b’mod ċar u ma jkunux jistgħu jitħassru, anke meta s-sistema tiġi installata fil-vettura.
|
4. GĦOTJA TA’ L-APPROVAZZJONI TAT-TIP TAL-KE GĦAL TIP TA’ VETTURA
|
4.1.
|
Jekk ir-rekwiżiti relevanti jiġu sodisfatti, l-approvazzjoni tat-tip tal-KE skond l-Artikolu 4(3) u, jekk applikabbli, l-Artikolu 4(4) tad-Direttiva 70/156 KEE, għandha tingħata.
|
|
4.2.
|
L-Appendiċi 2 jagħti mudell taċ-ċertifikat ta’ l-approvazzjoni tat-tip.
|
|
4.3.
|
Numru ta’ l-approvazzjoni skond l-Anness VII tad-Direttiva 70/156/KEE għandu jkun assenjat lil kull tip ta’ vettura approvat. L-istess Stat Membru m’għandux jassenja l-istess numru lil tip ieħor ta’ vettura.
|
5. MODIFIKI TAT-TIP U L-EMENDI GĦALL-APPROVAZZJONIJIET
|
5.1.
|
Fil-każ ta’ modifiki tat-tip approvat skond din id-Direttiva, għandhom japplikaw id-dispożizzjonijiet ta’ l-Artikolu 5 tad-Direttiva 70/156/KEE.
|
6. KONFORMITÀ TAL-PRODUZZJONI
|
6.1.
|
Miżuri biex jiżguraw il-konformità tal-produzzjoni għandhom jittieħdu skond ir-rekwiżiti stipulati fl-Artikolu 10 tad-Direttiva 70/156/KEE.
|
|
6.2.
|
Dispożizzjonijiet speċjali:
|
6.2.1.
|
It-testijiet imsemmija fil-punt 2.3.5 ta’ l-Anness X tad-Direttiva 70/156/KEE huma dawk stipulati fl-Anness 7 tar-Regolament UN/ECE kif imsemmi fl-Anness III ta’ din id-Direttiva.
|
|
6.2.2.
|
Il-frekwenza ta’ l-ispezzjonijiet imsemmija fl-entrata 3 ta’ l-Anness X tad-Direttiva 70/156/KEE hija normalment darba kull sentejn.
|
|