Artikolu 6a 2.

l-Anness I tad-Direttiva 2008/105/KE tal-Parlament Ewropew u tal-Kunsill ( 3 ) u r-riżultati tal-aktar rieżami reċenti tal-Anness, kif ukoll ir-riżultati tal-aktar rieżami reċenti tal-Anness I ta' din id-Direttiva;

il-listi ta' sorveljanza stabbiliti f'konformità mad-Direttivi 2008/105/KE u (UE) 2020/2184;

ir-rekwiżiti sabiex jiġi indirizzat it-tniġġis tal-ħamrija, inkluż id-data ta' monitoraġġ relatata;

il-karatterizzazzjoni mill-Istati Membri tad-distretti tal-baċini tax-xmara f'konformità mal-Artikolu 5 tad-Direttiva 2000/60/KE u r-riżultati tal-programmi ta' monitoraġġ stabbiliti f'konformità mal-Artikolu 8 ta' dik id-Direttiva;

informazzjoni dwar il-volumi tal-produzzjoni, ix-xejriet tal-użu, il-proprjetajiet intrinsiċi (inkluż il-mobilità fil-ħamrija u, fejn rilevanti, id-daqs tal-partikoli), il-konċentrazzjonijiet fl-ambjent u l-effetti negattivi fuq is-saħħa tal-bniedem u l-ambjent akkwatiku ta' sustanza partikolari, jew grupp ta' sustanzi, inkluż l-informazzjoni miġbura f'konformità mad-Direttiva 2001/83/KE tal-Parlament Ewropew u tal-Kunsill ( 4 ); ir-Regolamenti (KE) Nru 1907/2006 ( 5 ), u (KE) Nru 1107/2009, id-Direttiva 2009/128/KE tal-Parlament Ewropew u tal-Kunsill ( 6 ) u r-Regolamenti (UE) Nru 528/2012, (UE) 2019/6 ( 7 ) u (UE) 2022/2379 ( 8 ) tal-Parlament Ewropew u tal-Kunsill

proġetti ta' riċerka u pubblikazzjonijiet xjentifiċi, inkluż informazzjoni dwar it-tendenzi u l-previżjonijiet ibbażati fuq l-immudellar jew valutazzjonijiet ta' tbassir oħrajn, kif ukoll informazzjoni u data miġburin minn teknoloġiji ta' telerilevament, mill-osservazzjoni tad-dinja, bħas-servizzi ta' Copernicus, minn sensuri u apparati in situ jew mid-data xjentifika taċ-ċittadini, li jisfruttaw l-opportunitajiet offruti mill-intelliġenza artifiċjali u mill-analiżi u l-ipproċessar avvanzati tad-data;

rakkomandazzjonijiet mill-partijiet ikkonċernati;

rakkomandazzjonijiet mill-gruppi ta' ħidma stabbiliti skont l-Istrateġija ta' Implimentazzjoni Komuni għad-Direttiva 2000/60/KE;

informazzjoni dwar l-emissjonijiet, il-ħruġ u t-telf disponibbli fil-Portal dwar l-Emissjonijiet Industrijali fil-qafas tar-Regolament (UE) 2024/1244 tal-Parlament Ewropew u tal-Kunsill ( 9 ), kif ukoll kwalunkwe informazzjoni addizzjonali disponibbli dwar is-sustanzi koperti mill-permessi fil-qafas tad-Direttiva 2010/75/UE tal-Parlament Ewropew u tal-Kunsill ( 10 ).