Artikolu 12b 17.

jistabbilixxi fid-dettall l-istruttura tas-sjieda u tal-governanza tal-gigafabbrika tal-IA;

jinkludi dispożizzjonijiet li jiżguraw l-iskrutinju u l-kontroll effettivi u proporzjonati tal-gigafabbrika tal-IA mill-Unjoni għas-salvagwardja tal-assi strateġiċi, l-interessi, l-awtonomija jew tas-sigurtà tal-Unjoni;

jispeċifika l-kontribuzzjonijiet finanzjarji tal-Unjoni, tal-Istati Parteċipanti u tas-sħab pubbliċi jew privati tal-Konsorzju ta’ gigafabbriki tal-IA, inkluż il-ħin ta’ aċċess garantit għall-gigafabbrika tal-IA msemmi fil-paragrafu 13, kif xieraq, u d-durata tiegħu;

jispeċifika, jekk ikun xieraq, kwalunkwe interess ieħor tal-Unjoni li jirriżulta minn kwalunkwe investiment tal-Unjoni regolat bi ftehimiet ta’ investiment speċifiċi bejn il-Konsorzju ta’ gigafabbriki tal-IA u InvestEU;

jistabbilixxi l-kundizzjonijiet ta’ eliġibbiltà għall-utenti mhux tal-Unjoni tal-gigafabbrika tal-IA, li għandhom jikkonformaw mal-istess kundizzjonijiet bħall-kundizzjonijiet ta’ eliġibbiltà speċifikati fil-paragrafu 3;

jistabbilixxi l-kundizzjonijiet dettaljati għall-aċċess għall-utenti tal-Unjoni tal-gigafabbrika tal-IA u l-arranġamenti ta’ rendikont tal-ħinijiet ta’ aċċess għas-servizzi tal-gigafabbrika tal-IA;

jistabbilixxi l-kwalità tas-servizz offrut lill-utenti tal-Impriża Konġunta meta joperaw il-gigafabbrika tal-IA, kif deskritt fil-ftehim dwar il-livell ta’ servizz inkluż fil-Ftehim ta’ Hosting tal-gigafabbriki tal-IA;

jistabbilixxi l-arranġamenti għall-akkwist, l-operat u l-użu tad-data u tal-infrastruttura tal-computing tal-gigafabbrika tal-IA, inkluż ir-rekwiżiti tal-utenti mis-settur pubbliku, meta jkun xieraq, u meta l-Konsorzju ta’ gigafabbriki tal-IA jinkludi fornitur wieħed jew aktar tal-infrastruttura tat-teknoloġija, jinkludi l-forniment ta’ salvagwardji msaħħin kontra kunflitti ta’ interess li jikkonċernaw lil dawk il-fornituri;

jelenka l-kundizzjonijiet għat-trasferiment tas-sjieda msemmija fil-paragrafu 12, meta jkun xieraq;

jagħti d-dettalji dwar l-estensjoni tas-sjieda jew tal-ħin ta’ aċċess mixtri, garantit u miftiehem minn qabel u l-kundizzjonijiet tat-tneħħija gradwali għall-gigafabbrika tal-IA, meta xieraq;

jelenka l-kundizzjonijiet tar-responsabbiltà għall-operat tal-gigafabbrika tal-IA, meta xieraq;

jispeċifika l-obbligu tal-entità tal-hosting tal-gigafabbrika tal-IA li sal-31 ta’ Jannar ta’ kull sena tippreżenta lill-Bord ta’ Tmexxija rapport tal-awditjar u data dwar l-użu tal-ħin ta’ aċċess fis-sena kontabilistika preċedenti;

ikun fih klawżola ta’ arbitraġġ, skont it-tifsira tal-Artikolu 272 TFUE, li tagħti ġuriżdizzjoni fuq kull materja koperta mill-Ftehim ta’ Hosting lill-Qorti tal-Ġustizzja tal-Unjoni Ewropea.