Artikolu 4 2.

Kull Stat Membru għandu jistabbilixxi l-kontributi nazzjonali indikattivi tal-effiċjenza enerġetika bbażati fuq il-konsum tal-enerġija finali biex kollettivament jissodisfaw il-mira vinkolanti tal-Unjoni tal-konsum finali tal-enerġija msemmija fil-paragrafu 1 ta’ dan l-Artikolu u għandu jagħmel sforzi biex jikkontribwixxi b’mod kollettiv għall-mira indikattiva tal-konsum primarju tal-enerġija tal-Unjoni msemmija f’dak il-paragrafu 1. L-Istati Membri għandhom jinnotifikaw dawk il-kontributi lill-Kummissjoni, flimkien ma’ trajettorja indikattiva għal dawk il-kontributi, bħala parti mill-aġġornamenti tal-pjanijiet nazzjonali integrati tagħhom għall-enerġija u l-klima ppreżentati skont l-Artikolu 14(2) tar-Regolament (UE) 2018/1999, u tal-pjanijiet nazzjonali integrati tagħhom dwar l-enerġija u l-klima nnotifikati skont l-Artikolu 3 l-Artikoli 7 sa 12 ta’ dak ir-Regolament. Meta jagħmlu dan, l-Istati Membri għandhom jesprimu wkoll il-kontributi tagħhom f’termini ta’ livell assolut ta’ konsum tal-enerġija primarja fl-2030. Meta jistabbilixxu l-kontributi nazzjonali indikattivi tagħhom għall-effiċjenza enerġetika, l-Istati Membri għandhom iqisu r-rekwiżiti stabbiliti fil-paragrafu 3 ta’ dan l-Artikolu u jispjegaw kif, u abbażi ta’ liema data, ġew ikkalkulati l-kontributi. Għal dak l-għan, huma jistgħu jużaw il-formula stabbilita fl-Anness I għal din id-Direttiva.