Artikolu 11 Sistemi tal-ġestjoni tal-enerġija u awditi tal-enerġija

L-Istati Membri għandhom jiżguraw li l-intrapriżi msemmija fl-ewwel subparagrafu jkollhom fis-seħħ sistema ta’ ġestjoni tal-enerġija sa mhux aktar tard mill-11 ta’ Ottubru 2027.

Dawn l-awditi tal-enerġija għandhom:

L-Istati Membri għandhom jiżguraw li l-intrapriżi msemmija fl-ewwel subparagrafu jwettqu l-ewwel awditu tal-enerġija sal-11 ta’ Ottubru 2026 u li l-awditi sussegwenti tal-enerġija jitwettqu mill-inqas kull erba’ snin. Fejn tali intrapriżi diġà jwettqu awditi tal-enerġija f’konformità mal-ewwel subparagrafu, huma għandhom ikomplu jagħmlu dan mill-inqas kull erba’ snin f’konformità ma’ din id-Direttiva.

L-intrapriżi kkonċernati għandhom ifasslu Pjan ta’ Azzjoni konkret u fattibbli abbażi tar-rakkomandazzjonijiet li jirriżultaw minn dawk l-awditi tal-enerġija. Il-Pjan ta’ Azzjoni għandu jidentifika miżuri għall-implimentazzjoni ta’ kull rakkomandazzjoni tal-awditu, fejn dan ikun teknikament jew ekonomikament fattibbli. Il-Pjan ta’ Azzjoni għandu jiġi ppreżentat lill-amministrazzjoni tal-intrapriża.

L-Istati Membri għandhom jiżguraw li l-Pjanijiet ta’ Azzjoni u r-rata ta’ implimentazzjoni tar-rakkomandazzjonijiet jiġu ppubblikati fir-rapport annwali tal-intrapriża, u li dawn jsiru disponibbli għall-pubbliku, soġġett għal-liġi tal-Unjoni u nazzjonali li jipproteġu s-sigrieti kummerċjali u tan-negozju u l-kunfidenzjalità.

L-awditjar tal-enerġija msemmi fl-ewwel subparagrafu jista’ jsir minn esperti interni jew awdituri tal-enerġija, dment li l-Istat Membru kkonċernat ikun stabbilixxa skema li tiżgura l-kwalità tagħhom inkluż, meta xieraq, għażla aleatorja annwali ta’ mill-inqas persentaġġ statistikament sinifikanti tal-awditjar kollu tal-enerġija mwettaq minn dawn l-esperti interni jew awdituri tal-enerġija.

Biex tkun żgurata l-kwalità għolja tal-awditi tal-enerġija u tas-sistemi ta’ ġestjoni tal-enerġija, l-Istati Membri għandhom jistabbilixxu kriterji minimi trasparenti u nondiskriminatorji għall-awditi tal-enerġija f’konformità mal-Anness VI u għandhom iqisu l-istandards Ewropej jew internazzjonali rilevanti. L-Istati Membri għandhom jiddeżinjaw awtorità jew korp kompetenti biex jiżguraw li l-iskedi ta’ żmien għat-twettiq tal-awditi tal-enerġija stipulati fil-paragrafu 2 ta’ dan l-Artikolu jitħarsu u li l-kriterji minimi stipulati fl-Anness VI jiġu applikati b’mod korrett.

L-awditjar tal-enerġija ma għandux jinkludi klawżoli li jwaqqfu s-sejbiet tal-awditjar milli jiġu trasferiti lil xi fornitur ta’ servizzi tal-enerġija kwalifikat jew akkreditat, dment li l-klijent ma joġġezzjonax.

Abbażi ta’ kriterji trasparenti u nondiskriminatorji u mingħajr preġudizzju għal-liġi dwar l-għajnuna mill-Istat tal-UE, l-Istati Membri jistgħu jistabbilixxu mekkaniżmi, bħal ċentri tal-awditu tal-enerġija għall-SMEs u l-mikrointrapriżi, dment li dawn il-mekkaniżmi ma jikkompetux ma’ awdituri privati, biex jipprovdu awditi tal-enerġija. Huma jistgħu jipprovdu wkoll skemi ta’ appoġġ oħra għall-SMEs, inkluż fejn dawk l-SMEs ikunu kkonkludew ftehimiet volontarji, biex ikopru l-ispejjeż tal-awditi tal-enerġija u tal-implimentazzjoni ta’ rakkomandazzjonijiet kosteffettivi ħafna li jirriżultaw mill-awditi tal-enerġija, jekk il-miżuri proposti f’dawk ir-rakkomandazzjonijiet jiġu implimentati.

L-Istati Membri għandhom jiġbdu l-attenzjoni tal-SMEs, inkluż permezz tal-organizzazzjonijiet intermedjarji rappreżentattivi rispettivi tagħhom, għal eżempji konkreti ta’ kif is-sistemi ta’ ġestjoni tal-enerġija jistgħu jgħinu lin-negozji tagħhom. Il-Kummissjoni għandha tassisti lill-Istati Membri billi tappoġġa l-iskambji tal-aqwa prattiki f’dan il-qasam.

L-aċċess għall-parteċipanti fis-suq li joffru servizzi tal-enerġija għandu jkun ibbażat fuq kriterji trasparenti u nondiskriminatorji.

Mingħajr preġudizzju għal-liġi tal-Unjoni dwar l-għajnuna mill-Istat, l-Istati Membri jistgħu jimplimentaw skemi ta’ inċentivi u ta’ appoġġ għall-implimentazzjoni tar-rakkomandazzjonijiet li jirriżultaw mill-awditi tal-enerġija u miżuri simili.