ANNESS IV Metodi għall-kalkolu tal-emissjonijiet integrati għall-fini tal-Artikolu 7

---

ANNESS IV

Metodi għall-kalkolu tal-emissjonijiet integrati għall-fini tal-Artikolu 7

1.   DEFINIZZJONIJIET

Għall-finijiet ta’ dan l-Anness u tal-Annessi V u VI, japplikaw id-definizzjonijiet li ġejjin:

2.   IL-KALKOLU TAL-EMISSJONIJIET INTEGRATI SPEĊIFIĊI REALI GĦAL OĠĠETTI SEMPLIĊI

L-emissjonijiet integrati reali speċifiċi tal-oġġetti sempliċi li jkunu saru f’installazzjoni partikolari għandhom jiġu kkalkolati permezz tal-emissjonijiet diretti kif ukoll indiretti u, meta applikabbli, indiretti. Għal dak il-fini, għandha tiġi applikata l-ekwazzjoni li ġejja:

Fejn:

SEEg	huma l-emissjonijiet integrati speċifiċi ta’ oġġetti g, f’termini ta’ CO2e għal kull tunnellata;

AttrEmg

huma l-emissjonijiet attribwiti tal-oġġetti g, u

ALg	huwa l-livell ta’ attività tal-oġġetti, jiġifieri l-kwantità ta’ oġġetti li jkunu ġew prodotti fil-perjodu ta’ rapportar f’dik l-installazzjoni.

“Emissjonijiet attribwiti” tfisser il-parti tal-emissjonijiet tal-installazzjoni matul il-perjodu ta’ rapportar li jiġu kkawżati mill-proċess ta’ produzzjoni li jirriżulta f’oġġetti g meta jiġu applikati l-konfini tas-sistema tal-proċess tal-produzzjoni definit mill-atti ta’ implimentazzjoni adottati skont l-Artikolu 7(7). L-emissjonijiet attribwiti għandhom jiġu kkalkolati bl-użu tal-ekwazzjoni li ġejja:

Fejn:

id-DirEm

huma l-emissjonijiet diretti, li jirriżultaw mill-proċess ta’ produzzjoni, espressi f’tunnellati ta’ CO2e, fil-limiti tas-sistema msemmija fl-att ta’ implimentazzjoni adottat skont l-Artikolu 7(7), u

IndirEm

huma l-emissjonijiet indiretti li jirriżultaw mill-produzzjoni tal-elettriku kkunsmat fil-proċessi ta’ produzzjoni tal-oġġetti, espressi f’tunnellati ta’ CO2e, fil-limiti tas-sistema msemmija fl-att ta’ implimentazzjoni adottat skont l-Artikolu 7(7).

▼M1

3.    IL-KALKOLU TAL-EMISSJONIJIET INTEGRATI REALI GĦALL-OĠĠETTI KUMPLESSI

L-emissjonijiet integrati reali speċifiċi ta’ oġġetti kumplessi li jkunu saru f’installazzjoni partikolari għandhom jiġu kkalkolati permezz tal-ekwazzjoni li ġejja:

Fejn:

AttrEMg

huma l-emissjonijiet attribwiti tal-oġġetti g;

ALg	huwa l-livell ta’ attività tal-oġġetti, jiġifieri l-kwantità ta’ oġġetti li jkunu saru fil-perjodu ta’ rapportar f’dik l-installazzjoni, u

EEInpMat

huma l-emissjonijiet integrati tal-materjali ta’ input (prekursuri) ikkonsmati fil-proċess tal-produzzjoni. Għandhom jiġu kkunsidrati biss il-materjali ta’ input (prekursuri) elenkati fl-Anness I u li joriġinaw f’pajjiżi u territorji terzi li mhumiex eżentati skont il-punt 1 tal-Anness III. L-EEInpMat rilevanti huma kkalkolati kif ġej:

Fejn:

Mi	hija l-massa tal-materjal ta’ input (prekursur) i użat fil-proċess tal-produzzjoni, u

SEEi

huma l-emissjonijiet integrati speċifiċi għall-materjal ta’ input (prekursur) i. Għal SEEi l-operatur tal-installazzjoni għandu juża l-valur tal-emissjonijiet li jirriżultaw mill-installazzjoni fejn ġie prodott il-materjal ta’ input (prekursur), dment li d-data ta’ dik l-installazzjoni tkun tista’ titkejjel b’mod adegwat.

4.    DETERMINAZZJONI TAL-VALURI PRESTABBILITI MSEMMIJA FL-ARTIKOLU 7(2) U (3)

Għall-fini tad-determinazzjoni tal-valuri prestabbiliti, għandhom jintużaw biss il-valuri reali għad-determinazzjoni tal-emissjonijiet integrati. Fin-nuqqas ta’ data reali, jistgħu jintużaw valuri indikati fil-letteratura. Il-valuri prestabbiliti għandhom jiġu ddeterminati fuq il-bażi tal-aħjar data disponibbli. L-aħjar data disponibbli għandha tkun ibbażata fuq informazzjoni affidabbli u disponibbli għall-pubbliku. Il-valuri prestabbiliti għandhom jiġu riveduti perjodikament permezz tal-atti ta’ implimentazzjoni adottati skont l-Artikolu 7(7), abbażi tal-aktar informazzjoni aġġornata u affidabbli, inkluż abbażi tal-informazzjoni pprovduta minn pajjiż terz jew minn grupp ta’ pajjiżi terzi.

4.1.    Il-valuri prestabbiliti msemmija fl-Artikolu 7(2)

Il-valuri prestabbiliti għandhom jiġu stabbiliti skont l-intensità medja tal-emissjonijiet ta’ kull pajjiż esportatur u għal kull wieħed mill-oġġetti elenkati fl-Anness I għajr l-elettriku, miżjuda b’marġni kummerċjali mfassal b’mod proporzjonali. Dan il-marġni kummerċjali għandu jiġi determinat fl-atti ta’ implimentazzjoni adottati skont l-Artikolu 7(7) u għandu jiġi stabbilit f’livell xieraq biex tiġi żgurata l-integrità ambjentali tas-CBAM, abbażi tal-aktar informazzjoni aġġornata u affidabbli, inkluż abbażi tal-informazzjoni miġbura matul il-perjodu ta’ tranżizzjoni. Meta ma tkunx tista’ tiġi applikata data affidabbli għall-pajjiż esportatur għal tip ta’ oġġetti, il-valuri prestabbiliti għandhom ikunu bbażati fuq l-intensità medja tal-emissjonijiet tal-10 pajjiżi esportaturi bl-ogħla intensitajiet tal-emissjonijiet li għalihom tkun tista’ tiġi applikata data affidabbli għal dak it-tip ta’ oġġetti.

▼B

4.2.   Il-valuri prestabbiliti tal-elettriku importat imsemmija fl-Artikolu 7(3)

Il-valuri prestabbiliti għall-elettriku importat għandhom jiġu determinati għal pajjiż terz, grupp ta’ pajjiżi terzi jew reġjun f’pajjiż terz abbażi jew ta’ valuri prestabbiliti speċifiċi, f’konformità mal-punt 4.2.1, jew, jekk dawk il-valuri ma jkunux disponibbli, fuq valuri prestabbiliti alternattivi, f’konformità mal-punt 4.2.2.

Meta l-elettriku jiġi prodott f’pajjiż terz, fi grupp ta’ pajjiżi terzi jew f’reġjun f’pajjiż terz, u jgħaddi minn pajjiżi terzi, gruppi ta’ pajjiżi terzi, reġjuni f’pajjiż terz, jew Stati Membri bil-għan li jiġi importat fl-Unjoni, il-valuri prestabbiliti li għandhom jintużaw huma dawk mill-pajjiż terz, mill-grupp ta’ pajjiżi terzi jew mir-reġjun f’pajjiż terz fejn l-elettriku kien prodott.

4.2.1.   Valuri prestabbiliti speċifiċi għal pajjiż terz, grupp ta’ pajjiżi terzi jew reġjun f’pajjiż terz

Il-valuri prestabbiliti speċifiċi għandhom jiġu stabbiliti għall-fattur ta’ emissjoni tas-CO2 fil-pajjiż terz, fil-grupp ta’ pajjiżi terzi jew fir-reġjun f’pajjiż terz, abbażi tal-aħjar data disponibbli għall-Kummissjoni.

4.2.2.   Valuri prestabbiliti alternattivi

Meta valur prestabbilit speċifiku ma jkunx disponibbli għal pajjiż terz, grupp ta’ pajjiżi terzi, jew reġjun f’pajjiż terz, il-valur prestabbilit alternattiv għall-elettriku għandu jiġi stabbilit għall-fattur ta’ emissjoni tas-CO2 fl-Unjoni.

Meta jista’ jintwera, fuq il-bażi ta’ data affidabbli, li l-fattur ta’ emissjoni ta’ CO2 f’pajjiż terz, fi grupp ta’ pajjiżi terzi, jew reġjun f’pajjiż terz, ikun anqas mill-valur prestabbilit speċifiku determinat mill-Kummissjoni jew inqas mill-fattur ta’ emissjoni ta’ CO2 fl-Unjoni, jista’ jintuża valur prestabbilit alternattiv ibbażat fuq dak il-fattur ta’ emissjoni tas-CO2 għal dak il-pajjiż terz, grupp ta’ pajjiżi terzi jew reġjun f’pajjiż terz.

4.3   Valuri prestabbiliti għall-emissjonijiet indiretti integrati

Il-valuri prestabbiliti għall-emissjonijiet indiretti integrati f’oġġett prodott f’pajjiż terz għandhom jiġu ddeterminati fuq valur prestabbilit ikkalkulat fuq il-medja, jew tal-fattur ta’ emissjoni tal-grilja tal-elettriku tal-Unjoni, tal-fattur ta’ emissjoni tal-grilja tal-elettriku tal-pajjiż tal-oriġini jew tal-fattur ta’ emissjoni tas-CO2 tas-sorsi li jiffissaw il-prezzijiet fil-pajjiż tal-oriġini, tal-elettriku użat għall-produzzjoni ta’ dak l-oġġett.

Meta pajjiż terz, jew grupp ta’ pajjiżi terzi, juru lill-Kummissjoni, fuq il-bażi ta’ data affidabbli, li l-fattur medju ta’ emissjoni tat-taħlita tal-enerġija elettrika jew il-fattur ta’ emissjoni ta’ CO2 ta’ sorsi li jiffissaw il-prezzijiet fil-pajjiż terz jew fil-grupp ta’ pajjiżi terzi jkun anqas mill-valur prestabbilit għall-emissjonijiet indiretti, għandu jiġi stabbilit valur prestabbilit alternattiv ibbażat fuq dak il-fattur medju ta’ emissjonijiet ta’ CO2 għal dan il-pajjiż jew grupp ta’ pajjiżi.

Il-Kummissjoni għandha tadotta, mhux aktar tard mit-30 ta’ Ġunju 2025, att ta’ implimentazzjoni skont l-Artikolu 7(7) biex tispeċifika aktar liema mill-metodi ta’ kalkolu determinati f’konformità mal-ewwel subparagrafu għandhom japplikaw għall-kalkolu tal-valuri prestabbiliti. Għal dak il-fini, il-Kummissjoni għandha tibbaża ruħha fuq l-aktar data aġġornata u affidabbli, inkluż fuq data miġbura waqt il-perjodu ta’ tranżizzjoni, fir-rigward tal-kwantità ta’ elettriku użat għall-produzzjoni tal-oġġetti elenkati fl-Anness I, kif ukoll il-pajjiż tal-oriġini, is-sors tal-ġenerazzjoni u l-fatturi ta’ emissjoni relatati ma’ dak l-elettriku. Il-metodu ta’ kalkolu speċifiku għandu jiġi ddeterminat fuq il-bażi tal-aktar mod xieraq biex jintlaħqu ż-żewġ kriterji li ġejjin:

5.   IL-KUNDIZZJONIJIET GĦALL-APPLIKAZZJONI TAL-EMISSJONIJIET INTEGRATI REALI FL-ELETTRIKU IMPORTAT

Dikjarant awtorizzat CBAM jista’ japplika emissjonijiet integrati reali minflok valuri prestabbiliti għall-kalkolu msemmi fl-Artikolu 7(3) jekk jiġu ssodisfati l-kriterji kumulattivi li ġejjin:

Il-kwantità akkumulata ta’ elettriku skont il-ftehim dwar ix-xiri tal-enerġija u l-emissjonijiet integrati reali korrispondenti tagħha għandhom jiġu esklużi mill-kalkolu tal-fattur ta’ emissjoni tal-pajjiż jew tal-fattur ta’ emissjoni ta’ CO2 użat għall-fini tal-kalkolu tal-emissjonijiet indiretti integrati tal-enerġija elettrika fl-oġġetti f’konformità mal-punt 4.3, rispettivament.

6.   IL-KUNDIZZJONIJIET GĦALL-APPLIKAZZJONI TAL-EMISSJONIJIET INTEGRATI REALI GĦALL-EMISSJONIJIET INDIRETTI

Dikjarant awtorizzat CBAM jista’ japplika emissjonijiet integrati reali minflok valuri prestabbiliti għall-kalkolu msemmi fl-Artikolu 7(4) jekk ikun jista’ juri rabta teknika diretta bejn l-installazzjoni li fiha jiġi prodott l-oġġett importat u s-sors tal-ġenerazzjoni tal-elettriku jew jekk l-operatur ta’ dik l-installazzjoni jkun ikkonkluda ftehim dwar ix-xiri tal-enerġija ma’ produttur tal-elettriku li jinsab f’pajjiż terz għal kwantità ta’ elettriku li tkun ekwivalenti għall-kwantità li għaliha jintalab l-użu ta’ valur speċifiku.

7.   L-ADATTAMENT TAL-VALURI PRESTABBILITI MSEMMIJA FL-ARTIKOLU 7(2) IBBAŻATI FUQ KARATTERISTIĊI SPEĊIFIĊI GĦAR-REĠJUN

Il-valuri prestabbiliti jistgħu jiġu adattati għal żoni u reġjuni partikolari f’pajjiżi terzi fejn jipprevalu karatteristiċi speċifiċi f’termini ta’ fatturi oġġettivi ta’ emissjoni. Meta data adattata għal dawk il-karatteristiċi lokali speċifiċi tkun disponibbli u jkunu jistgħu jiġu determinati valuri prestabbiliti aktar immirati, jistgħu jintużaw dawn tal-aħħar.

▼M1

Meta d-dikjaranti ta’ oġġetti prodotti f’pajjiż terz, fi grupp ta’ pajjiżi terzi, jew f’reġjun f’pajjiż terz jistgħu juru, abbażi ta’ data affidabbli, li adattamenti alternattivi speċifiċi għar-reġjun tal-valuri prestabbiliti huma anqas mill-valuri prestabbiliti ddeterminati mill-Kummissjoni, jistgħu jintużaw tali adattamenti speċifiċi għar-reġjun.

▼B